༄༅།།བོད་ལྗོངས་མངའ་རིས་ཀྱིས་ཐོན་ལས་མཉམ་ལས་ལ་བརྟེན་ནས་ཞིང་འབྲོག་པར་འཚོ་བ་གསར་པ་བཏོད་པ།
གསར་འགྱུར་སྤེལ་དུས། 【2018ལོའི་ཟླ་ 08ཚེས་03ཉིན། 11:05】 （རྩོམ་སྒྲིག་འགན་འཁུར་པ། བསྟན་འཛིན།）
མི་དམངས་དྲ་བའི་འཕྲིན། བོད་ལྗོངས་མངའ་རིས་ས་ཁུལ་གྱིས་དབུལ་སྒྲོལ་འགག་སྒྲོལ་ཟམ་མི་ཆད་པར་གཏིང་ཟབ་ཏུ་གཏོང་བའི་ལག་ལེན་དངོས་ནང་ཐོན་ཁུངས་བསྡུ་སྒྲིལ་བྱས་ཏེ་བེད་སྤྱོད་ཐོན་ལས་འཕེལ་རྒྱས་ལ་བརྟེན་ནས་ས་ཁུལ་དབུལ་པོ་དང་མི་འབོར་དབུལ་པོ་དབུལ་སྒྲོལ་ཕྱུག་འགྱུར་བྱ་རྒྱུར་སྐུལ་ཁྲིད་བྱས་ཡོད། འདི་ལོའི་ཟླ་བ་བདུན་པའི་ཟླ་འགོར་མངའ་རིས་ས་ཁུལ་སྒར་རྫོང་གིས་ཁམས་བཟང་ཁང་གསར་གྱོན་ཆས་ས་གདན་བཟོ་གྲྭ་བསྐྲུན་པ་རེད། ཧྲའན་ཤིས་ཞིང་ཆེན་ཡན་ཨན་ཡོན་ཧྥང་ཚོགས་པའི་ལག་རྩལ་མི་སྣའི་མཛུབ་ཁྲིད་འོག་ཁག་དང་པོའི་ཞིང་འབྲོག་པ་དབུལ་པོའི་བུ་ཕྲུག་29ལ་འཚེམ་རྒྱག་ལག་ཤེས་བསླབས་པས་ཁོང་ཚོའི་ཡོང་འབབ་མང་དུ་སོང་ཡོད། གོང་གི་པར་རིས་ནི་སྒར་རྫོང་ཁམས་བཟང་ཁང་གསར་གྱོན་ཆས་ས་གདན་བཟོ་གྲྭའི་གྱོན་ཆས་འཚེམ་བཟོ་ལས་སྣོན་བཟོ་ཁང་ནང་ཧྲའན་ཤིས་ཞིང་ཆེན་ཡན་ཨན་ཡོན་ཧྥང་ཚོགས་པའི་ལག་རྩལ་མི་སྣ་མཱ་ཁེ(གཡོན)གྱིས་སློབ་མ་བསམ་དཀར་སྒྲོལ་མར་འཚེམ་བཟོའི་ལག་ཤེས་སློབ་པའི་གནས་ཚུལ་ཡིན་པ་རེད།
