༄༅།།སྦྲེལ་མཐུད་ཀྱི་ལས་སྟེགས་བསྐྲུན་ནས་རྒྱལ་སྤྱིའི་ཤེས་ལྡན་མི་སྣ་འགུགས་ཐབས་བྱེད་པ། 

     མི་དམངས་དྲ་བའི་འཕྲིན། 2018ལོའི་ཟླ་7ཚེས་25ཉིན། ཀྲེ་ཅང་ཞིང་ཆེན་དབྱི་ཝུའུ་གྲོང་ཁྱེར་གྱིས་འཇར་མན་དང་། ཐེ་ལན། ཕེ་རུ། བྷང་ག་ལ། མ་ལེ་ཞི་ཡ། ཧིན་རྡུ་ཉི་ཞི་ཡ། ཁོ་ལོམ་པི་ཡ། ཡེ་མེན་སོགས་རྒྱལ་ཁབ་དང་ས་ཁུལ་23ནས་ཡོང་བའི་གཞོན་ནུ་ཤེས་ལྡན་མི་སྣ་38ལ་ཕྱི་རྒྱལ་གྱི་མཐོ་རིམ་ཤེས་ལྡན་མི་སྣའི་ཆེད་ལས་ཚོགས་འདུ་དང་ཕྱི་རྒྱལ་གྱི་ལས་གཏོད་གཞོན་ནུའི་ལག་རྩལ་མཉམ་ལས་ངོ་འཕྲད་གྲོས་མོལ་སོགས་བརྗོད་དོན་གཙོ་བོའི་བྱེད་སྒོ་མང་པོ་སྤེལ་བ་དང་འབྲེལ་ས་གནས་དེ་གའི་དྲ་ཐོག་ཚོང་དོན་དང་། རྒྱུ་ཆ་གསར་པ། མཁོ་སྤྲོད་འབྲེལ་ཐག་གི་དོ་དམ། འོད་གློག་དང་ནུས་རྒྱུ་གསར་པ་སོགས་ཀྱི་ལས་རིགས་ཁེ་ལས་དབར་ས་གནས་ས་ཐོག་ཏུ་སྦྲེལ་མཐུད་བྱས་པ་དང་། རྒྱལ་སྤྱིའི་ཤེས་ལྡན་མི་སྣ་དེ་བས་མང་བ་དབྱི་ཝུའུ་རུ་ཡོང་ནས་ལས་གཏོད་ལས་ཞུགས་བྱེད་པ་དང་ཕུལ་བྱུང་རྣམ་གྲངས་དབྱི་ཝུའུ་རུ་གཞིས་ཆགས་རྒྱུར་སྦྲེལ་མཐུད་ཀྱི་ལས་སྟེགས་བཏོད་ཡོད་པ་རེད།