༄༅།།རྒྱལ་ཡོངས་ཀྱི་ཞི་པོ་རིགས་ཀྱི་རྟེན་རྫས་བཤམས་མཛོད་ཁང་ཐོག་མ་དེ་ཧྲེན་དབྱང་དུ་སྒོ་ཕྱེ་བ། 

     མི་དམངས་དྲ་བའི་འཕྲིན། ཟླ་7ཚེས་26ཉིན། རྒྱལ་ཡོངས་ཀྱི་ཞི་པོ་རིགས་ཀྱི་རྟེན་རྫས་བཤམས་མཛོད་ཁང་ཐོག་མ་དེ་ལེའོ་ཉིང་ཧྲེན་དབྱང་གྲོང་ཁྱེར་བྱང་རྒྱུད་ཁུལ་གསར་དུ་དངོས་སུ་སྒོ་ཕྱེ་བ་རེད། སྒོ་ཕྱེ་བའི་ཉིན་ནས་བཟུང་ལྟ་སྐོར་བས་ཐོབ་ཐང་ལག་ཁྱེར་ལ་གཞིགས་ནས་རིན་མེད་ངང་ལྟ་སྐོར་དུ་སྐྱོད་ཆོག་གི་ཡོད།
     ཀྲུང་གོ་ཞི་པོ་རིགས་ཀྱི་རྟེན་རྫས་བཤམས་མཛོད་ཁང་དེ་ཕུའུ་ཧོའི་བྱང་ངོགས་སུ་གནས་པ་དང་ཞི་པོ་རིགས་ཀྱི་རིག་གནས་ཐང་ཆེན་གྱི་འཁྲིས་སུ་ཡོད་པ་རེད། སྤྱིའི་འཛུགས་སྐྲུན་རྒྱ་ཁྱོན་སྨི་ངོས་གྲུ་7398ཡོད་པའི་རྟེན་རྫས་བཤམས་མཛོད་ཁང་དེའི་ནང་འགྲེམས་དངོས་700ལྷག་ཙམ་ཡོད་པ་དེར་ཞི་པོ་རིགས་བྱུང་བ་ནས་ད་བར་གྱི་འཕོ་འགྱུར་ལོ་རྒྱུས་ཞིབ་ཕྲ་བཀོད་ཡོད་པ་རེད།