༄༅།།ཨ་ཧྥེ་རི་ཁ་མནའ་འབྲེལ་གྱི་འགོ་གཙོའི་ཚོགས་འདུ་སྐབས་31པ་དེ་ མོ་རི་ཐ་ནི་ཡར་འགོ་ཚུགས་པ། 

       མི་དམངས་དྲ་བའི་འཕྲིན། ཟླ་7ཚེས་1ཉིན་མོ་རི་ཐ་ནི་ཡའི་རྒྱལ་ས་ནོ་ཝ་ཁ་ཆོ་ཐེར་ཨ་ཧྥེ་རི་ཁ་མནའ་འབྲེལ་གྱི་འགོ་གཙོའི་ཚོགས་འདུ་སྐབས་31པ་འགོ་ཚུགས་པ་རེད། ད་རེས་ཀྱི་ཨ་ཧྥེ་རི་ཁ་མནའ་འབྲེལ་དབུ་ཚོགས་ཀྱི་ཚོགས་འདུ་རབ་དང་རིམ་པས་སྐབས་གོང་མའི་བརྗོད་དོན་གཙོ་བོ་རྒྱུན་འཛིན་བྱས་ཡོད་པ་སྟེ། “རུལ་རྒོལ་འཐབ་རྩོད་ལ་རྒྱལ་ཁ་ལེན་རྒྱུ་དེ། ཨ་ཧྥེ་རི་ཁ་ཕྱོགས་སྒྱུར་གྱི་རྒྱུན་སྲིང་བགྲོད་ལམ་ཞིག”ཅེས་པ་དེ་ཡིན། རྒྱལ་ཁབ་ཁག་གི་གཙོ་བདག་གིས་ཨ་ཧྥེ་རི་ཁ་མནའ་འབྲེལ་སྒྱུར་བཅོས་དང་། ཨ་ཧྥེ་རི་ཁ་གཞི་གཅིག་ཅན། རུལ་རྒོལ་དང་དེ་བཞིན་འཇིགས་སྐུལ་རིང་ལུགས་ལ་རྡུང་རྡེག ས་ཁུལ་གྱི་བདེ་འཇགས་གནས་བབ་བཅས་ཐད་གྲོས་བསྡུར་བྱས་ཡོད།