༄༅།།ཟླ་7ཚེས་1ཉིན་ནས་རང་རྒྱལ་དུ་རླངས་འཁོར་ནང་འདྲེན་ལ་ལྟོས་བཅས་ཀྱིས་སྒོ་ཁྲལ་
བཅག་རྒྱུ་ཡིན་པ།

     མི་དམངས་དྲ་བའི་འཕྲིན། རྒྱལ་སྲིད་སྤྱི་ཁྱབ་ཁང་གི་སྒོ་ཁྲལ་ཁྲལ་སྡུད་ལམ་ལུགས་ཨུ་ཡོན་ལྷན་ཁང་གིས་ཟླ་5ཚེས་23ཉིན་སྤྱི་བསྒྲགས་འགྲེམས་སྤེལ་བྱས་པ་སྟེ། རྒྱལ་སྲིད་སྤྱི་ཁྱབ་ཁང་གིས་ཆོག་མཆན་གནང་བ་བརྒྱུད། 2018ལོའི་ཟླ་7ཚེས་1ཉིན་ནས་བཟུང་། སྒོ་ཁྲལ་25%དང་20%ཡིན་པའི་རླངས་འཁོར་གྱི་སྒོ་ཁྲལ་ནི་15%མར་བཅག་རྒྱུ་ཡིན་ཞིང་། མར་བཅག་པའི་ཚད་ནི་40%དང་25%ཡིན་པ། སྒོ་ཁྲལ་8%དང་10%དང་15%དང་20དང་25%ཡིན་པའི་རླངས་འཁོར་ལྷུ་ལག་གི་སྒོ་ཁྲལ་ནི་6%མར་བཅག་རྒྱུ་ཡིན་ཞིང་། ཆ་སྙོམས་སྒོ་ཁྲལ་བཅག་ཚད་ནི་46%ཡིན་པ་རེད།