འཚོལ་བཤེར།   
藏文频道
2018ལོའི་ཟླ་5ཚེས་23ཉིན།
  • མི་དམངས་དྲ་བ།

    ༄༅།།པདྨ་རྫོང་ནས་གནའ་བོའི་བྲག་བརྐོས་རི་མོ་རྙེད་པ།

    གསར་འགྱུར་སྤེལ་དུས།  【2018ལོའི་ཟླ་ 05ཚེས་23ཉིན། 15:25】   (རྩོམ་སྒྲིག་འགན་འཁུར་པ། མཁའ་འགྲོ།)

     
    ༄༅།།པདྨ་རྫོང་ནས་གནའ་བོའི་བྲག་བརྐོས་རི་མོ་རྙེད་པ།
         མི་དམངས་དྲ་བའི་འཕྲིན། ཟླ་5ཚེས་17ཉིན། བྲག་བརྐོས་རི་མོ་ནི་རྡོ་བརྐོས་རིག་གནས་ཤིག་ཡིན་ཞིང་། མིའི་རིགས་ཀྱི་མེས་པོ་ཚོས་རྡོ་ཆས་ལག་ཆར་བྱས་ནས། ཁོང་ཚོའི་ཐོན་སྐྱེད་བྱེད་སྟངས་དང་འཚོ་བའི་ནང་དོན་མཚོན་པར་བྱེད་པ་དང་ཟིན་ཐོར་བཀོད་ཡོད། དེ་ནི་མིའི་རིགས་སྤྱི་ཚོགས་ཀྱི་སྐལ་བ་ཡ་ཐོག་གི་རིག་གནས་སྣང་ཚུལ་ཞིག་ཡིན་ལ། མིའི་རིགས་ཀྱི་མེས་པོ་ཚོས་རྗེས་རབས་པར་བཞག་པའི་རིན་བྲལ་གྱི་རིག་གནས་ཤུལ་བཞག་ཞིག་ཀྱང་ཡིན་པ་རེད།
         ཉེ་ཆར། པདྨ་རྫོང་ཁོངས་ནས་གནའ་བོའི་བྲག་བརྐོས་རི་མོ་ཚོ་གཅིག་གི་རྗེས་ཤུལ་རྙེད་པ་རེད། ཡུལ་དངོས་སུ་ཞིབ་བཤེར་བྱས་པ་བརྒྱུད། བྲག་བརྐོས་རི་མོ་འདི་དག་ཧྲག་ཅིང་བསྡུས་ལ་བབ་ཆགས་གནའ་ཉམས་དོད་པ་དང་། རང་བྱུང་གི་བྱ་ཐབས་སྤྱད་དེ་བྲིས་པ་ཤ་སྟག་ཡིན་ཞིང་། ནང་དོན་དུ་མི་སྣའམ་སྲོག་ཆགས་ཡིན་པ་རེད།
         ཐེངས་འདིར་གསར་རྙེད་བྱུང་བའི་གནའ་བོའི་བྲག་བརྐོས་རི་མོ་འདི་དག་གཅིག་ཏུ་འདུས་ཡོད་པ་དང་། ཁྱོན་རི་མོ་100ལྷག་ཙམ་རྙེད་པ་འདི་དག་གསལ་པོར་མཐོང་ཐུབ་པ་དང་། རི་མོའི་རྣམ་པ་ནི་འབུར་ཀོང་ཚུལ་དུ་བཀོད་ཡོད་པ། ཕལ་ཆེར་བ་ནི་རླུང་བཀག་ཉི་གཏད་ཀྱི་རི་སུལ་དང་། བྲག་ལྡེབས། རྡོ་ཐལ་བྲག་རྡོ་བཅས་ཀྱི་ཐོག་ཆགས་ཤིང་། གཙོ་བོ་ནི་གསའ་དང་ཤྭ་བ། རྟ་རྒོད་། འབྲོང་། བྱ་རྒོད། སྤྱང་ཀི ལུག་སོགས་ཡིན་པ་རེད།
         པདྨ་རྫོང་ཡུལ་སྐོར་ཅུས་ཀྱི་ཅུས་ཀྲང་ཡ་དགའ་རྡོ་རྗེས། ཐོག་མར་ས་གནས་དེ་གའི་རྒན་རབས་པས་རྙེད་པ་དང་། དེ་ནས་ཡུལ་དངོས་སུ་བསྐྱོད་ནས་བརྟག་དཔྱད་དང་ཆེད་ལས་མཁས་པར་བློ་འདྲི་བྱས་རྗེས། པདྨ་རྫོང་གི་བྲག་བརྐོས་རི་མོ་འདི་དག་ལ་ཧ་ལམ་ལོ་ངོ་བརྒྱ་ལྷག་གམ་ལོ་ངོ་སྟོང་ལྷག་གི་ལོ་རྒྱུས་ཡོད་ཅེས་བཤད།
    【1】  【2】  【3】  【4】  【5】  【6】  【7】
    ༄༅།།པདྨ་རྫོང་ནས་གནའ་བོའི་བྲག་བརྐོས་རི་མོ་རྙེད་པ།
      
    2018-05-16

    ཕྱོགས་བསྡུས་གསར་འགྱུར།