༄༅།།2018ལོའི་རྒྱལ་ཡོངས་ཚོགས་ཆེན་གཉིས་ཀྱི་གསར་འགྱུར་ལྟེ་གནས་སྤྱོད་འགོ་ཚུགས་པ།

     མི་དམངས་དྲ་བའི་འཕྲིན། རྒྱལ་ཡོངས་ཀྱི་ཚོགས་ཆེན་གཉིས་སྐོང་འཚོག་བྱེད་ཉིན་ལ་ཉེ་བ་དང་བསྟུན་ནས་པེ་ཅིན་ཁྲང་ཨན་ནུབ་ལམ་བྱང་ངོས་ཀྱི་མེ་ཏི་ཡ་ལྟེ་གནས་སུ་བཙུགས་པའི་ཚོགས་ཆེན་གཉིས་ཀྱི་གསར་འགྱུར་ལྟེ་གནས་ཟླ་2་ཚེས་27ཉིན་དངོས་སུ་ལས་དོན་སྤེལ་འགོ་ཚུགས་པ་རེད། ཤེས་རྟོགས་བྱུང་བར་གཞིགས་ན། ད་ལོའི་རྒྱལ་ཡོངས་ཀྱི་ཚོགས་ཆེན་གཉིས་ཀྱིས"འཐུས་མི་བགྲོད་ལམ"དང"ཨུ་ཡོན་བགྲོད་ལམ"ཐེངས་དང་པོར་དབྱེ་རྒྱུ་ཡིན་པ་མ་ཟད། "པུའུ་ཀྲང་བགྲོད་ལམ"མུ་མཐུད་ནས་ལེགས་གཉེར་རྒྱུ་རེད།
     2018ལོ་ནི་ཏང་གི་ཚོགས་ཆེན་བཅུ་དགུ་པའི་དགོངས་དོན་ལག་ལེན་མཐར་ཕྱིན་བྱེད་འགོ་ཚུགས་པའི་ལོ་དང་། བསྒྱུར་བཅོས་སྒོ་འབྱེད་བྱས་ནས་ལོ་ངོ་40འཁོར་བའི་ལོ། ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་པའི་རྒྱལ་ཁ་ཕུ་ཐག་གཅོད་པ་དང་། "ལོ་ལྔ་ཚན་བཅུ་གསུམ་པའི"འཆར་འགོད་ལག་བསྟར་གོང་མཐུད་འོག་འདྲེན་བྱེད་པའི་གནད་འགག་ཆེ་བའི་ལོ་བཅས་རེད། 2018ལོའི་རྒྱལ་ཡོངས་ཀྱི་ཚོགས་ཆེན་གཉིས་ཀྱང་རྒྱལ་ཡོངས་མི་དམངས་འཐུས་ཚོགས་དང་རྒྱལ་ཡོངས་སྲིད་གྲོས་སྐབས་གསར་པའི་གྲོས་ཚོགས་ཐེངས་དང་པོ་ཡིན་པས། གནད་འགག་ཆེ་བའི་དུས་བར་གྱི་གནད་འགག་ཆེ་བའི་གྲོས་ཚོགས་ཡིན་པས། ད་ལོའི་ཚོགས་ཆེན་གཉིས་ཀྱི་གསར་འགྱུར་ལྟེ་གནས་ལའང་རྒྱལ་ཁབ་ཕྱི་ནང་གི་སྨྱན་སྦྱོར་གྱིས་དོ་ཁུར་དམིགས་བསལ་བྱེད་ངེས་རེད།