༄༅།།དུས་བྱ་དགུན་སྒྲོལ་གྱི་ཞིང་ཁམས།
གསར་འགྱུར་སྤེལ་དུས། 【2017ལོའི་ཟླ་ 12ཚེས་18ཉིན། 14:27】 (རྩོམ་སྒྲིག་འགན་འཁུར་པ། སྙིང་ལྕགས།)
མི་དམངས་དྲ་བའི་འཕྲིན། ཉེ་བའི་ལོའི་ནང་། བོད་ལྗོངས་ལྷ་སའི་སྣོད་བཅུད་ཁོར་ཡུག་སྔར་བས་ལེགས་སུ་ཕྱིན་པས། དུས་བྱ་མང་དག་ཅིག་ལྷ་སར་དགུན་སྒྲོལ་བྱེད་པར་ཡོང་གི་ཡོད། ཕོ་བྲང་པོ་ཏ་ལའི་རྒྱབ་ཀྱི་རྫོང་རྒྱབ་ཀླུ་ཁང་དུ་དུས་བྱ་ཁྱུ་དང་ཁྱུ་བྱས་པ་གང་སར་མཐོང་རྒྱུ་ཡོད། ཆུ་ཁར་ཁྲུང་ཁྲུང་མགོ་ཁྲ་དང་སྐྱུང་ཀ་ཁག་གཅིག་ཆུ་མོར་རོལ་བ་དང་། ལ་ལ་མགོ་བོ་བྱ་སྒྲོའི་འོག་ཏུ་བསྲིངས་ནས་ཉི་མ་སྲོ་བཞིན་ཡོད་པ། ལ་ལ་ཆུ་ཐོག་ཏུ་ཕར་རྒྱུག་ཚུར་རྒྱུག་གིས་ཟས་འཚོལ་བཞིན་མཆིས། འདི་ནི་ལྷ་སའི་རྫོང་རྒྱབ་ཀླུ་ཁང་གི་ཆུ་ཁར་རྩེད་འཇོར་རོལ་བའི་འདབ་ཆགས་ཡིན་པ།