༄༅།།པེ་ཅིང་མེ་འཁོར་བབས་ཚུགས་སུ་རྒྱལ་སྟོན་ངལ་གསོ་རིང་མོའི་འགྲུལ་པ་ཕྱིར་ལོག་བྱེད་མང་
བའི་དུས་སླེབས་པ།

     མི་དམངས་དྲ་བའི་འཕྲིན། 2017ལོའི་ཟླ་10ཚེས་7ཉིན་རྒྱལ་སྟོན་ངལ་གསོ་རིང་མོ་མཇུག་འགྲིལ་མཚམས་སུ་སླེབས་པ་དང་། པེ་ཅིང་མེ་འཁོར་བབས་ཚུགས་སུ་དུས་ཆེན་རྗེས་ཀྱི་འགྲུལ་པ་ཕྱིར་ལོག་བྱེད་མང་བའི་དུས་སླེབས་ཡོད་པ་རེད། ཀྲུང་གོ་ལྕགས་ལམ་སྤྱི་ཁྱབ་ཀུང་སིས་ཡོངས་བསྒྲགས་བྱས་པའི་ཆ་འཕྲིན་གཞིར་བཟུང་། འདི་ལོའི་རྒྱལ་སྟོན་གྱི་ངལ་གསོའི་རིང་ལྕགས་ལམ་སྡེ་ཚན་གྱིས་ཟླ་9ཚེས་28ནས་ཟླ་10ཚེས་8ཉིན་བར་འགྲུལ་པ་སྐྱེལ་འདྲེན་བྱས་ཡོད་པ་དང་། ཁྱོན་ཉིན་11ནང་རྒྱལ་ཡོངས་ལྕགས་ལམ་སྡེ་ཚན་གྱིས་འགྲུལ་པ་སྐྱེལ་འདྲེན་བྱེད་ཚད་མི་ཐེངས་དུང་ཕྱུར་1.3ཟིན་ཡོད།