༄༅།།བོད་ལྗོངས་ཀྱིས་བོད་རྒྱ་སྐད་གཉིས་ཀྱི་ཤེས་ལྡན་མི་སྣ་གསོ་སྦྱོང་བྱེད་ཤུགས་ཇེ་ཆེར་བཏང་
ནས་ཡིག་སྒྱུར་སྐོར་གྱི་སློབ་དེབ་དང་དྲ་ཐོག་སློབ་ཚན་ཁྱབ་སྤེལ་གཏོང་རྒྱུ་ཡིན་པ།

      མི་དམངས་དྲ་བའི་འཕྲིན། ཟླ་8ཚེས་30ཉིན། "རྒྱལ་ཁབ་མི་རིགས་ལས་དོན་ཨུ་ཡོན་ལྷན་ཁང་སྐད་རིགས་གཉིས་ཀྱི་ཤེས་ལྡན་མི་སྣ་གསོ་སྦྱོང་རྟེན་གཞི་(ནུབ་བྱང་མི་རིགས་སློབ་ཆེན་)བོད་ལྗོངས་གསོ་སྦྱོང་རྟེན་གཞི"དང"ནུབ་བྱང་མི་རིགས་སློབ་ཆེན་སློབ་ཁྲིད་དངོས་སྦྱོང་རྟེན་གཞི"ཞེས་པའི་སྒོ་བྱང་བོད་རང་སྐྱོང་ལྗོངས་བོད་ཀྱི་སྐད་ཡིག་ལས་དོན་ཨུ་ཡོན་ལྷན་ཁང་གཞུང་ལས་ཁང་(རྩོམ་སྒྱུར་ཅུས་)དུ་བཀལ་བ་དང་། བོད་རང་སྐྱོང་ལྗོངས་བོད་ཀྱི་སྐད་ཡིག་ལས་དོན་ཨུ་ཡོན་ལྷན་ཁང་གཞུང་ལས་ཁང་(རྩོམ་སྒྱུར་ཅུས་)གི་ཏང་ཙུའི་ཧྲུའུ་ཅི་གཞོན་པ་དང་ཀྲུའུ་རེན་(ཅུས་ཀྲང་)ནོར་བུས་བོད་རང་སྐྱོང་ལྗོངས་བོད་ཀྱི་སྐད་ཡིག་ལས་དོན་ཨུ་ཡོན་ལྷན་ཁང་གཞུང་ལས་ཁང་(རྩོམ་སྒྱུར་ཅུས་)གིས་ནུབ་བྱང་མི་རིགས་སློབ་ཆེན་དང་མཉམ་ལས་བྱས་ཏེ་བོད་རྒྱ་སྐད་གཉིས་ཀྱི་ཡིག་སྒྱུར་གསོ་སྦྱོང་སློབ་དེབ་དང་དྲ་ཐོག་སློབ་གསོའི་སློབ་ཚན་རྩོམ་སྒྲིག་གཉེར་སྐྱོང་བྱ་རྒྱུ་ཡིན་ཞེས་ངོ་སྤྲོད་བྱས་པ་རེད།
     ནོར་བུས་ངོ་སྤྲོད་བྱས་པར་ལྟར་ན། ལོ་རེའི་གསོ་སྦྱོང་བྱེད་ཤུགས་ཇེ་ཆེར་གཏོང་བཞིན་ཡོད་པ་དང་། བོད་རང་སྐྱོང་ལྗོངས་བོད་ཀྱི་སྐད་ཡིག་ལས་དོན་ཨུ་ཡོན་ལྷན་ཁང་གཞུང་ལས་ཁང་(རྩོམ་སྒྱུར་ཅུས་)གིས་2013ལོ་ནས་འགོ་བཙུགས་ཏེ་བོད་རྒྱ་སྐད་གཉིས་ཀྱི་ཤེས་ལྡན་མི་སྣ་གསོ་སྦྱོང་བྱེད་ཤུགས་རྒྱུན་ཆད་མེད་པར་ཇེ་ཆེར་གཏོང་གི་ཡོད་ལ། གཞི་རིམ་ལས་བྱེད་པ་གལ་ཆེར་བཟུང་ནས་གསོ་སྦྱོང་བྱེད་ཀྱི་ཡོད། ད་ལྟའི་བར་དུ་སྔ་ཕྱི་སྡེབ་རྩིས་བྱས་ན་མི་སྣ་སྟོང་གསུམ་ལ་ཉེ་བ་གསོ་སྦྱོང་བྱས་ཡོད་ཅིང་། གསོ་སྦྱོང་གི་ཁྱབ་ཁོངས་ནི་བོད་རང་སྐྱོང་ལྗོངས་ཡོངས་སུ་ཁྱབ་ཡོད་པ་དང་། ད་ལོར་ནག་ཆུ་ས་ཁུལ་དང་ཆབ་མདོ་གྲོང་ཁྱེར་གཙོ་གནད་དུ་བཟུང་སྟེ་གསོ་སྦྱོང་བྱ་རྒྱུ་ཡིན་ཞེས་བརྗོད་པ་རེད། 【1】  【2】