༄༅།།ཅང་ཞི་ཞིང་ཆེན་ཧྲང་རའོ་གྲོང་ཁྱེར་ཁོངས་སུ་ཆུ་རགས་ལ་ཆུ་ཆེན་པོ་ཤོར་བའི་ཉེན་ཁ་བསལ་བ།

     མི་དམངས་དྲ་བའི་འཕྲིན། ཟླ་7ཚེས་5ཉིན། དྲག་ཆར་བསྟུད་མར་བབས་པའི་རྐྱེན་གྱིས་ཅང་ཞི་ཞིང་ཆེན་ཧྲང་རའོ་གྲོང་ཁྱེར་ཡུས་ཀན་རྫོང་རུན་ཞིའི་རགས་སྐོར་ནས་ལྷོ་ཕྱོགས་སུ་སྤྱི་ལེ་གཅིག་ཡོད་པའི་མཚམས་ཀྱི་ཆུ་རགས་ལ་ཆུ་ཆེན་པོ་ཤོར་བའི་གནས་ཚུལ་བྱུང་བས། ཆུ་རགས་ཤོར་བའི་ཉེན་ཁ་ཚབས་ཆེན་བྱུང་བ་རེད། ཉེན་རྟོག་དྲག་དཔུང་ཧྲང་རའོ་ཡན་ལག་རུ་ཁག་གི་དམག་དཔོན་60ཡིས་ས་གནས་དེའི་ཆུ་བེད་ཆེད་མཁས་པའི་མཛུབ་སྟོན་འོག དུས་ཡུན་ཆུ་ཚོད་8རིང་འབད་འཐབ་བྱས་པ་བརྒྱུད་དཔོན་དམག་ཚོས་དུས་ཐོག་ཏུ་ཆུ་རགས་ཤོར་བའི་ཉེན་ཁ་བསལ་བ་རེད།