འཚོལ་བཤེར།   
藏文频道
2017ལོའི་ཟླ་6ཚེས་23ཉིན།
  • མི་དམངས་དྲ་བ།

    ༄༅།།དངོས་བཤུས་གློག་བརྙན་《གངས་ལྷ་མེ་ཏོག་》ཅེས་པའི་ནང་བོད་རིགས་བུ་མོས་ཕུགས་
    འདུན་མངོན་འགྱུར་ལ་བརྩོན་པའི་གཏམ་རྒྱུད་བརྗོད་ཡོད་པ།

    གསར་འགྱུར་སྤེལ་དུས།  【2017ལོའི་ཟླ་ 06ཚེས་23ཉིན། 13:37】   (རྩོམ་སྒྲིག་འགན་འཁུར་པ། མཁའ་འགྲོ།)

     
    ༄༅།།དངོས་བཤུས་གློག་བརྙན་《གངས་ལྷ་མེ་ཏོག་》ཅེས་པའི་ནང་བོད་རིགས་བུ་མོས་ཕུགས་
འདུན་མངོན་འགྱུར་ལ་བརྩོན་པའི་གཏམ་རྒྱུད་བརྗོད་ཡོད་པ།
         མི་དམངས་དྲ་བའི་འཕྲིན། 2017ལོའི་ཧྲང་ཧའེ་རྒྱལ་སྤྱིའི་གློག་བརྙན་དུས་ཆེན་གྱི་དངོས་བཤུས་གློག་བརྙན་ལེ་ཚན་སྟོན་འགོ་བརྩམས་པའི་བརྩམས་ཆོས་《གངས་ལྷ་མེ་ཏོག》ཅེས་པའི་ནང་དུ་ཁྱིམ་ཚང་གི་རྒྱབ་ལྗོངས་མི་འདྲ་ལ་གཤིས་ཀ་ཡང་མི་གཅིག་པའི་བོད་རིགས་བུ་མོ་གསུམ་གྱིས་དམིགས་ཡུལ་མི་འདྲ་བ་བཅངས་ནས་གྲོང་ཁྱེར་དུ་ངོ་གདོང་དང་སྐྲ་མཛེས་བཟོ། གཟུགས་བརྙན་ཇུས་འགོད་བཅས་སློབ་སྦྱོང་བྱས་པའི་གཏམ་བརྒྱུད་བརྗོད་ཡོད་པ་རེད། 
         《གངས་ལྷ་མེ་ཏོག་》འཁྲབ་ཁྲིད་མི་སྣ་ཚོ་དང་སྨྱན་སྦྱོར་ལས་ཁུངས་ཀྱི་ངོ་འཕྲད་ཚོགས་འདུ་ཟླ་6ཚེས་21ཉིན་ཧྲང་ཧའེ་རུ་འཚོགས་པ་དང་། གློག་བརྙན་དེའི་བོད་རིགས་འཁྲབ་ཁྲིད་པ་བཀྲ་ཤིས་ཆོས་འཕེལ་གྱིས། དངོས་བཤུས་གློག་བརྙན་འདི་པར་ལེན་བྱེད་པའི་དམིགས་ཡུལ་ནི་བོད་རིགས་འབྲོག་པ་མི་རབས་གསར་པའི་འཚོ་བའི་གནས་ཚུལ་ཟིན་འགོད་བྱ་ཆེད་ཡིན་ཞིང་། གཏམ་རྒྱུད་ནང་གི་མི་སྣ་གཙོ་བོ་བོད་རིགས་བུ་མོ་བསོད་ནམས་སྐྱིད་ཀྱིས་ངོ་གདོང་དང་སྐྲ་མཛེས་བཟོ། གཟུགས་བརྙན་ཇུས་འགོད་བཅས་སློབ་སྦྱོང་བྱེད་པའི་ལམ་དུ་འགལ་རྐྱེན་མང་པོ་ཐུག་པ་སྟེ། ཐོག་མར་ནང་མི་ཚོས་མོས་མཐུན་མི་བྱེད་པ་དང་། དེའི་རྗེས་སུ་ནང་མི་ཚོས་མོས་མཐུན་བྱུང་རུང་། གཅེན་མོ་མནའ་མར་འགྲོ་བསམ་པའི་གནས་ཚུལ་བྱུང་བ་དེས་ཀྱང་ཁོང་གིས་ཕུགས་འདུན་མངོན་འགྱུར་བརྩོན་པའི་ལམ་དུ་འགལ་རྐྱེན་གསར་པ་བྱུང་ཡོད་རེད་ཅེས་བཤད་པ་རེད།
    【1】  【2】  【3】  【4】
      

    ཕྱོགས་བསྡུས་གསར་འགྱུར།