༄༅།།མི་རིགས་ཀྱི་ལུས་རྩལ་རྣམ་གྲངས་ཏེ་ཤིང་འཐེན་ལུས་རྩལ། 

     མི་དམངས་དྲ་བའི་འཕྲིན།  ཤིང་འཐེན་ལུས་རྩལ་ནི་མཚོ་བོད་མཐོ་སྒང་གི་བོད་ཀྱི་དམངས་ཁྲོད་དུ་དར་སྲོལ་ཆེ་བའི་ཐུན་མོང་མ་ཡིན་པའི་ལུས་རྩལ་རྣམ་གྲངས་ཤིག་ཡིན་པ་དང་། འགྲན་བསྡུར་འདི་ནི་སྤྱི་བཏང་མི་གཉིས་ཀྱིས་འགྲན་བསྡུར་བྱེད་ཅིང་། འགྲན་ཞུགས་པ་ཕྱོགས་གཉིས་པོ་རྩྭ་ཐང་སྟེང་ཁ་སྤྲོད་དུ་བསྡད་ནས་ཕན་ཚུན་ཤིང་འཐེན་བྱེད་པ་དང་། ཕྱོགས་གཉིས་པོའི་ལག་པས་དབྱུག་པ་ཞིག་ལ་འཇུས་ཏེ་ཕན་ཚུན་འཐེན་ནས། སུས་འགྲན་ཡ་ས་ངོས་ནས་འཐེན་ཐུབ་སོང་ན་དེ་རྒྱལ་བ་རེད། འདི་ནི་སྐེད་པར་སྦྱོང་བརྡར་བྱེད་པར་ཐབས་ལམ་བཟང་པོ་ཞིག་ཡིན་པ་རེད།