༄༅།།དབྱིན་ཇིའི་ཉེན་རྟོག་ཕྱོགས་ཀྱིས་མན་ཆི་སི་ཐེ་འཇིགས་སྐུལ་འཇབ་རྒོལ་གྱོད་དོན་གྱི་དོགས་ཡོད་
མི་སྣའི་ངན་རོགས་པ་མུ་མཐུད་དེ་སྔོག་བཤེར་འཛིན་བཟུང་བྱེད་བཞིན་ཡོད་པ།
གསར་འགྱུར་སྤེལ་དུས། 【2017ལོའི་ཟླ་ 05ཚེས་26ཉིན། 14:34】 (རྩོམ་སྒྲིག་འགན་འཁུར་པ། སྙིང་ལྕགས།)
མི་དམངས་དྲ་བའི་འཕྲིན། ཟླ་5ཚེས་24ཉིན། དབྱིན་ཇིའི་ཉེན་རྟོག་ཕྱོགས་ཀྱིས་མན་ཆི་སི་ཐེ་འཇིགས་སྐུལ་འཇབ་རྒོལ་དོན་རྐྱེན་གྱི་དོགས་ཡོད་མི་སྣའི་ངན་རོགས་པ་སྔོག་བཤེར་འཛིན་བཟུང་བྱེད་ཀྱི་ཡོད་ཅིང་། ཐན་ཆི་སི་ཐེ་གྲོང་ཁྱེར་དང་ཐག་མི་རིང་བའི་གྲོང་རྡལ་ཆུང་ཆུང་ཞིག་ཏུ་སྐྱེས་པ་ཞིག་འཛིན་བཟུང་བྱས་པ་རེད།
ཚེས་22ཉིན་གྱི་དགོང་མོར། མན་ཆི་སི་ཐེ་ལུས་རྩལ་ཁང་དུ་འཇིགས་སྐུལ་འཇབ་རྒོལ་གྱི་དོན་རྐྱེན་བྱུང་རྗེས། ད་ལྟའི་བར་དུ་འབྲེལ་ཡོད་དོགས་གཞི་མི་སྣ་5དབྱིན་ཇི་རྒྱལ་ནང་ནས་འཛིན་བཟུང་བྱས་པ་རེད།
ཚེས་24ཉིན། དབྱིན་ཇིའི་ཉེན་རྟོག་ཕྱོགས་ཀྱིས་འཇབ་རྒོལ་དོན་རྐྱེན་གྱི་དོགས་གཞི་ཡོད་པའི་མི་སྣ་སཱ་ལེ་མན་•ཨ་པེ་ཏི་གཅིག་པུ་ཡིས་འཇབ་རྒོལ་བྱས་པ་མ་ཡིན་པར། དེའི་རྒྱབ་ཏུ་དྲ་རྒྱའི་ངན་རོགས་ཚོགས་པ་ཞིག་ཡོད་པར་ཡིད་ཆེས་ཡོད་ཅེས་བསྟན་པ་རེད།