༄༅།།རྐང་ཐང་མར་རི་བོ་ཧི་མ་ལ་ཡ་བརྒྱུད་ཀྱི་མཛེས་ལྗོངས་ལ་ཉམས་ཞིབ་བྱེད་པ།

     མི་དམངས་དྲ་བའི་འཕྲིན། རྐང་ཐང་མར་རི་བོ་ཧི་མ་ལ་ཡར་བརྒལ་བའི་བྱེད་སྒོ་ནི་བོད་རང་སྐྱོང་ལྗོངས་སྲིད་གཞུང་གིས་ཆོག་མཆན་ཐོབ་ནས་རྩ་འཛུགས་བྱས་པའི་ལུས་རྩལ་བྱེད་སྒོ་ཆེ་གྲས་ཞིག་ཡིན། ཟླ་10ཚེས་22ཉིན་ནས་བྱེད་སྒོ་སྤེལ་འགོ་བརྩམས་པ་ནས་བཟུང་། བྱེད་སྒོར་ཞུགས་པའི་རུ་མི་ཚོས་རྐང་ཐང་མར་ས་བབ་མཐོ་བའི་ས་ཁུལ་གྱི་གངས་རི་དང་འཁྱག་རོམ། མཚེའུ། ས་སྟོང་སོགས་ནས་ས་བབ་དམའ་ཁུལ་གྱི་ནགས་ཚལ་དང་ཆུ་ཕྲན། སྐྱེ་དངོས་རིགས་སྣ་ཚོགས་པ། གཞན་ད་དུང་ཧི་མ་ལ་ཡ་ས་ཁུལ་གྱི་འགྱུར་ལྡོག་ཆེ་བའི་གནས་གཤིས་དང་། རྣམ་པ་སྣ་ཚོགས་ཀྱི་རང་བྱུང་མཛེས་ལྗོངས་སོགས་ལ་ཉམས་ཞིབ་ལེགས་པོ་ཞིག་བྱས་པས། ཁོང་ཚོར་བརྗེད་མེད་ཀྱི་བག་ཆགས་ཤིག་བཞག་ཡོད་པ་རེད།