༄༅།།ལྷ་སའི་ཞོ་སྟོན་དུས་ཆེན་སྐབས་གུང་གསེང་ཉིན་བདུན་ལ་གཏོང་རྒྱུ་ཡིན་པ།

     མི་དམངས་དྲ་བའི་འཕྲིན། ལྷ་ས་གྲོང་ཁྱེར་མི་དམངས་སྲིད་གཞུང་གཞུང་ལས་ཁང་གིས་སྤེལ་བའི་གསར་འགྱུར་ལ་གཞིགས་ན། 2016ལོའི་ཞོ་སྟོན་དུས་ཆེན་རིང་གུང་གསེང་ཉིན་བདུན་གཏོང་རྒྱུ་ཡིན་པ་སྟེ། ཟླ་9ཚེས་1ཉིན་(གཟའ་ཕུར་བུ་)ནས་ཚེས་7ཉིན་(གཟའ་ལྷག་པ་)བར་ངལ་གསོ་ཉིན་མོ་ལེགས་སྒྲིག་བྱས་ཏེ་གུང་གསེང་གཏོང་རྒྱུ་རེད། ཟླ་8ཚེས་28ཉིན་(གཟའ་ཉི་མ་)དང་ཟླ་9ཚེས་10ཉིན་(གཟའ་སྤེན་པ་)གཉིས་ཀྱི་གཞུང་བཏང་ངལ་གསོ་ཉིན་མོ་དེ་ཟླ་9ཚེས་5ཉིན་(གཟའ་ཟླ་བ་)དང་ཟླ་9ཚེས་6ཉིན་(གཟའ་མིག་དམར་)དང་ལེགས་སྒྲིག་བྱས་པ་དང་། ཟླ་8ཚེས་28ཉིན་(གཟའ་ཉི་མ་)དང་ཟླ་9ཚེས་10ཉིན་(གཟའ་སྤེན་པ་)གཉིས་ལ་རྒྱུན་ལྡན་ལྟར་ལས་ཀར་ཞུགས་རྒྱུ་རེད།