༄༅།།སྟོན་ཟླ་བརྒྱད་པའི་སིལ་ཏོག་གི་དྲི་བཟང་ལྷ་ས་གྲོང་ཁྱེར་དུ་འཁྱིལ་བ།
གསར་འགྱུར་སྤེལ་དུས། 【2016ལོའི་ཟླ་ 08ཚེས་18ཉིན། 11:08】 (རྩོམ་སྒྲིག་འགན་འཁུར་པ། སྙིང་ལྕགས།)
མི་དམངས་དྲ་བའི་འཕྲིན། འདི་ལོའི་ལྷ་ས་གྲོང་ཁྱེར་ལ་གནམ་རྒན་མས་གཟིགས་སྐྱོང་ཆེན་པོ་གནང་ཡོད་པ་སྟེ། ཆར་ཆུ་བཟང་བ་ཡིས་རི་བོ་ཀུན་སྔོ་ལྗང་ཅན་དུ་རྒྱན་པ་དང་། གཙང་ཆུ་གང་ཞིང་རྒྱུག་འགྲོ་བས། ནས་ཀྱི་སྙེ་མ་གསོས་པ་མ་ཟད། སིལ་ཏོག་སྣ་ཚོགས་ཀྱང་དུས་སུ་སྨིན་པར་གྱུར།
རང་བྱུང་ཁམས་ཆེན་པོ་ནི་སེར་སྣ་མེད་པའི་སྐྱེས་འབུལ་བ་ཞིག་ཡིན་ཞིང་། ཤིང་འབྲས་དུས་ཐོག་སྨིན་ཏེ་མི་རྣམས་ལ་ལོངས་སུ་སྤྱོད་པར་བསྐྱལ།
ཟླ་བཞི་པར་མྱུ་གུ་གསར་དུ་འབུས་པ་དང་། དྲུག་པར་ལྗང་མདོག་ཅན་གྱི་སིལ་སྡོང་དུ་གྱུར་ཞིང་། བརྒྱད་པར་དྲི་བཟང་ཤིང་འབྲས་དུས་སུ་སྨིན།
སྟོག་འགོ་ཚུགས་རྗེས་ཉིན་བཞིན་དྭངས་བསིལ་དུ་འགྱུར་བའི་གནམ་གཤིས་དང་ཆབས་ཅིག་ཚལ་གུང་ཐང་གི་ཁམ་བུ་སོགས་རིམ་པར་སྨིན་པས། ད་ལོར་ལྷ་སའི་གྲོགས་པོ་ཚོས་ཁ་ཟས་ཞིམ་པོ་རོལ་རྒྱུ་ཡོད་པར་གྱུར་བ་རེད།