༄༅།།མཚོ་སྔོན་ཡུལ་ཤུལ་དུ་དམངས་ཁྲོད་གླུ་གར་ཚོགས་པས་ས་མཐོར་བསྟོད་པའི་ཞབས་བྲོ་འཁྲབ་པ། 

     མི་དམངས་དྲ་བའི་འཕྲིན། ངོ་སྤྲོད་བྱས་པར་གཞིགས་ན། ཡུལ་ཤུལ་ཀྲོའུ་དམངས་ཁྲོད་གླུ་གར་ཚོགས་པ་ནི་ཡུལ་ཤུལ་གྱི་ཞིང་འབྲོག་མང་ཚོགས་ཁྲོད་ནས་ལེགས་པར་བདམས་པ་ལས་གྲུབ་པའི་ཚོགས་པ་ཞིག་ཡིན་པ་དང་ཁྱོན་མི་50ཡོད། ཡུལ་ཤུལ་ཀྲོའུ་དམངས་ཁྲོད་གླུ་གར་ཚོགས་པ་བཙུགས་པའི་ཉིན་ནས་བཟུང་། བོད་མི་རིགས་ཀྱི་གླུ་གར་བྱ་གཞག་རྒྱུན་འཛིན་དང་དར་སྤེལ་བཏང་ནས་ཡུལ་ཤུལ་གྱི་བོད་རིགས་ཀྱི་བྲོ་གར་དང་། རལ་པ། ལ་གླུ་སྣ་ཚོགས་སོགས་ཐུན་མིན་ཁྱད་ཆོས་ལྡན་པ་དང་ཡིད་དབང་འཕྲོག་པའི་དམངས་ཁྲོད་སྒྱུ་རྩལ་གར་སྟེགས་ཐོག་འཁྲབ་སྟོན་བྱ་རྒྱུའི་བརྩོན་ལེན་བྱེད་ཅིང་། འདི་ནི་2016ལོའི་ཟླ་8ཚེས་17ཉིན་མཚོ་སྔོན་ཡུལ་ཤུལ་དམངས་ཁྲོད་གླུ་གར་ཚོགས་པས་ཡུལ་ཤུལ་གེ་སར་ཐང་ཆེན་དུ་མི་རིགས་ཁག་གི་མང་ཚོགས་དང་ས་ཆ་གཞན་ནས་སླེབས་པའི་ཡུལ་སྐོར་བར་བོད་རིགས་ཀྱི་ཞབས་བྲོ་《གངས་ལྗོངས་ས་མཐོར་བསྟོད་གླུ་འབུལ་》ཞེས་པ་འཁྲབ་སྟོན་བྱེད་པའི་གནས་ཚུལ་ཡིན་པ།