༄༅།།རྒྱལ་ཡོངས་སུ་2015ལོའི་རྟགས་སེར་རླངས་འཁོར་འདོར་བའི་ལས་འགན་སྔ་སྣུར་
དུ་ལེགས་གྲུབ་བྱུང་བ། 

     མི་དམངས་དྲ་བའི་འཕྲིན། ཟླ་12ཚེས་9ཉིན་ཁོར་ཡུག་སྲུང་སྐྱོང་པུའུ་ནས་བརྡ་ཁྱབ་བཏང་བ་གཞིར་བཟུང་། ཟླ་11པའི་ཟླ་མཇུག་བར་རྒྱལ་ཡོངས་སུ་རིམ་རྩིས་བྱས་ན་2005ལོའི་ལོ་མཇུག་གོང་ཐོ་འགོད་བྱས་ནས་སྤྱོད་པའི་རྟགས་སེར་རླངས་འཁོར་ཁྲི་117.07དོར་བ་དེས་འདོར་བའི་ལས་འགན་གྱི་100.53%བཟུང་བ་དང་། རྒྱལ་ཡོངས་སུ་2015ལོའི་《སྲིད་གཞུང་ལས་དོན་སྙན་སྒྲོན་》ནང་གཏན་ལ་ཕབ་པའི་རྟགས་སེར་རླངས་འཁོར་འདོར་བའི་དམིགས་ཚད་ལས་འགན་སྔ་སྣུར་དུ་ལེགས་གྲུབ་བྱུང་ཡོད་པ་རེད།
     ཞིང་ཆེན་དབྱེ་ནས་བལྟས་ན། ཉིང་ཞ་དང་། ཨན་ཧུའེ། ཧུའུ་ནན། ཧུའུ་པེ། ཧྲན་ཤིས། ཀོང་ཤིས། ཀོང་ཏུང་། ཡུན་ནན། ཀན་སུའུ། ཁྲུང་ཆིང་བཅས་ཞིང་ཆེན་དང་། རང་སྐྱོང་ལྗོངས། གྲོང་ཁྱེར་བཅས་10རུ་སྔ་སྣུར་དུ་གྲངས་འབོར་ལས་བརྒལ་བའི་ངང་རྟགས་སེར་རླངས་འཁོར་འདོར་བའི་ལས་འགན་ལེགས་གྲུབ་བྱུང་བ་དང་། ཐེན་ཅིན་དང་། བོད་ལྗོངས། མཚོ་སྔོན། ཀུའེ་ཀྲོའུ། ཅང་ཤིས། ཧྥུའུ་ཅན། པེ་ཅིང་བཅས་ཞིང་ཆེན་དང་། རང་སྐྱོང་ལྗོངས། གྲོང་ཁྱེར་བཅས་སུ་ལས་འགན་སྔ་སྣུར་དུ་ལེགས་གྲུབ་བྱུང་བ། སི་ཁྲོན་དང་། ཀྲེ་ཅང་། ཤིན་ཅང་། ལིའོ་ཉིང་། ཅི་ལིན། ཧྲའན་ཤིས། ཧྲན་ཏུང་། ཧོ་ནན། ཧེ་ལུང་ཅང་། ནང་སོག་བཅས་ཞིང་ཆེན་དང་རང་སྐྱོང་ལྗོངས་10རུ་རྟགས་སེར་རླངས་འཁོར་འདོར་བའི་སྤྱིའི་ལས་འགན་གྱི་90%ཡན་ལེགས་གྲུབ་བྱུང་ཡོད་པ་རེད།