༄༅།།ཀ་ཏ་མན་རྡུར་ས་ཡོམ་བརྒྱབ་ནས་ཟླ་བ་གཅིག་སོང་བ།

     མི་དམངས་དྲ་བའི་འཕྲིན། ཟླ་5ཚེས་25ཉིན་ནི་ནེ་པ་ལར་ས་ཡོམ་དྲག་པོ་བརྒྱབ་ནས་ཟླ་བ་གཅིག་སོང་བའི་ཉིན་མོ་ཡིན་པ་དང་། ཟླ་བ་གཅིག་ཕྱིན་པའི་དུས་དེར་མཁའ་ཐོག་ཏུ་གེགས་སེལ་ཐད་འཕུར་གནམ་གྲུ་ཕར་འགྲོ་ཚུར་འོང་བྱེད་པ་མཐོང་རྒྱུ་མེད་པ་དང་གེགས་སེལ་དངོས་ཟོག་སྐྱེལ་འདྲེན་བྱེད་མཁན་དམག་སྤྱོད་ལྗིད་ཐེག་རླངས་འཁོར་གཞི་རྩའི་ཆ་ནས་མཐོང་རྒྱུ་མེད། དངུལ་ཁང་དང་། ཚོང་ཁང་། གསོལ་མགྲོན་ཁང་སོགས་ཚོང་ལས་སྒྲིག་བཀོད་དལ་གྱིས་སླར་གསོ་འཁོར་སྐྱོད་བྱེད་འགོ་ཚུགས་ནས་གྲོང་ཁྱེར་ཧྲིལ་པོར་ས་ཡོམ་མ་བརྒྱབ་གོང་གི་འཚོ་བ་སྐྱེལ་སྟངས་ཤིག་རིམ་བཞིན་སླར་གསོ་ཐུབ་པ་དང་ཆབས་ཅིག་གེགས་རྗེས་བསྐྱར་སྐྲུན་བྱ་རྒྱུ་ནི་ནེ་པ་ལ་སྲིད་གཞུང་དང་མི་དམངས་ལ་འཕྲད་པའི་དཀའ་ཚེགས་ཆེ་བའི་ལས་འགན་ཞིག་ཏུ་གྱུར་ཡོད།