༄༅།།ཀྲུང་དབྱང་དང་རྒྱལ་ཁབ་ལས་ཁུངས་ཀྱི་གཞུང་སྤྱོད་རླངས་འཁོར་བསྒྱུར་བཅོས་ལས་དོན་
གཞི་རྩའི་ཆ་ནས་ལེགས་གྲུབ་ཟིན་པ།

       མི་དམངས་དྲ་བའི་འཕྲིན། ལོ་ཕྱེད་ཙམ་སྐུལ་འདེད་བཏང་བ་བརྒྱུད། ཀྲུང་དབྱང་དང་རྒྱལ་ཁབ་ལས་ཁུངས་ཀྱི་གཞུང་སྤྱོད་རླངས་འཁོར་བསྒྱུར་བཅོས་ལས་དོན་གཞི་རྩའི་ཆ་ནས་ལེགས་གྲུབ་ཟིན་པ་ཞིང་། ས་གནས་གི་གཞུང་སྤྱོད་རླངས་འཁོར་བསྒྱུར་བཅོས་ལ་མགྱོགས་མྱུར་སྐུལ་འདེད་གཏོང་བཞིན་ཡོད་པ་དང་ཞིང་ཆེན་ཁག་ཅིག་གིས་བསྒྱུར་བཅོས་ཀྱི་དུས་ཚོད་རེའུ་མིག་བཟོས་ཡོད་པ་རེད། སྤྱི་ལོ་2014ལོའི་ཟླ་བ་བདུན་པར། ཀྲུང་དབྱང་གཞུང་ལས་ཐིང་དང་རྒྱལ་སྲིད་སྤྱི་ཁྱབ་ཁང་གཞུང་ལས་ཐིང་གིས། གཞུང་སྤྱོད་རླངས་འཁོར་བེད་སྤྱོད་ལམ་ལུགས་བསྒྱུར་བཅོས་ལས་དོན་ལ་ཁྱོན་ཡོངས་ནས་སྐུལ་འདེད་གཏོང་རྒྱུའི་སྐོར་གྱི་མཛུབ་ཁྲིད་བསམ་འཆར་ཞེས་པ་དང་ཀྲུང་དབྱང་དང་རྒྱལ་ཁབ་ལས་ཁུངས་ཀྱི་གཞུང་སྤྱོད་རླངས་འཁོར་ལམ་ལུགས་ཀྱི་བསྒྱུར་བཅོས་ཇུས་གཞི་ཞེས་པ་པར་འགྲེམ་བྱས་ཡོད། བསམ་འཆར་དང་ཇུས་གཞིས། གཞུང་སྤྱོད་རླངས་འཁོར་བསྒྱུར་བཅོས་བྱེད་པའི་ཐད་དུས་ཚོད་རེའུ་མིག་བཟོས་ཡོད་པས། སྤྱི་ལོ་2014ལོའི་ལོ་མཇུག་གོང་། ཀྲུང་དབྱང་དང་རྒྱལ་ཁབ་ལས་ཁུངས་ཀྱིས་གཞུང་སྤྱོད་རླངས་འཁོར་བསྒྱུར་བཅོས་ལས་དོན་གཞི་རྩའི་ཆ་ནས་ལེགས་གྲུབ་ཟིན་པ་བྱེད་རྒྱུ་དང་ས་གནས་ཏང་སྲིད་ལས་ཁུངས་ཀྱིས་སྤྱི་ལོ་2015ལོའི་ལོ་མཇུག་གོང་ལེགས་གྲུབ་ཐུབ་རྒྱུའི་བརྩོན་ལེན་བྱེད་རྒྱུ་ཡིན་པ་རེད། གསར་འགོད་པས་སྔ་རྗེས་སུ་པུའུ་དང་ཨུ་ཡོན་ལྷན་ཁང་མང་པོར་འབྲེལ་གཏུག་བྱས་པར། ལས་དོན་མི་སྣ་ཚང་མས། སྤྱི་ལོ་2014ལོའི་སྤྱི་ཟླ་བཅུ་གཅིག་པའི་ཟླ་མཇུག་ནས་ལས་ཁུངས་ཀྱི་གཞུང་སྤྱོད་རླངས་འཁོར་ཚང་མ་བཀག་སྡོམ་བྱས་ཡོད་ཅེས་བསྟན་ཡོད། གནས་ཚུལ་ཤེས་མཁན་མི་སྣས། མིག་སྔར་ཀྲུང་དབྱང་བང་རིམ་གྱི་རླངས་འཁོར་བཀག་སྡོམ་དང་ཁ་གསབ་སྤྲོད་རྒྱུའི་ལས་དོན་གཞི་རྩའི་ཆ་ནས་ལེགས་གྲུབ་ཟིན་ཡོད། ཡིན་ནའང་རླངས་འཁོར་དེ་དག་ཐག་གཅོད་བྱེད་པར་ད་དུང་དུས་ཚོད་དགོས་ཀྱི་འདུག འཆར་གཞི་ལྟར། ས་གནས་གི་རླངས་འཁོར་བསྒྱུར་བཅོས་བྱས་འབྲས་དེ་ད་ལོའི་ལོ་མཇུག་ལ་ཁྱབ་བསྒྲགས་བྱེད་རྒྱུ་རེད། དེར་བརྟེན་སྤྱི་ལོ་2014ལོའི་ལོ་མཇུག་ཏུ་ཅང་སུའུ་དང་ཧུའུ་པེ་སོགས་ས་ཆར་སྔ་རྗེས་སུ་གྲོས་ཚོགས་འཚོགས་ཏེ། ལོ་གསར་པའི་རླངས་འཁོར་བསྒྱུར་བཅོས་ཀྱི་འཆར་གཞི་བཀོད་སྒྲིག་བྱས་ཡོད་ཅེས་ར་སྤྲོད་བྱས་ཡོད་པ་རེད།