༄༅།།དར་རྩེ་མདོའི་ས་ཡོམ་གྱི་གོད་ཆག་ཁྲོད་ཁྱོན་བསྡོམས་མི་76ལ་རྨས་ཕོག་ཡོད་པ།

    མི་དམངས་དྲ་བའི་འཕྲིན། ཟླ་11ཚེས་25ཉིན་གྱི་ཆུ་ཚོད་23དང་སྐར་མ་19སྟེང་། སི་ཁྲོན་དཀར་མཛེས་ཁུལ་དར་རྩེ་མདོ་རུ་ཡང་བསྐྱར་ས་ཡོམ་རིམ་པ་5.8བརྒྱབ་པ་དང་། ཡོམ་ཁུངས་ཀྱི་གཏིང་ཚད་ལ་སྤྱི་ལེ་16ཡོད་པ་རེད།
     གསར་འགོད་པས་འབྲེལ་ཡོད་སྡེ་ཚན་ནས་ཤེས་རྟོགས་ལྟར་ན། ཚེས་26ཉིན་གྱི་ཆུ་ཚོད་17བར། ས་ཡོམ་རྒྱག་ཐེངས་འདི་གཉིས་ཀྱི་ཁྲོད་ཁྱོན་བསྡོམས་མི་76ལ་རྨས་ཕོག་པ་དང་། མི་28སྨན་བཅོས་བྱས་ནས་དྲག་སྐྱེད་བྱུང་སྟེ་སྨན་ཁང་ནས་ཕྱིར་ཐོན། མི་48ད་དུང་སྨན་ཁང་དུ་སྨན་བཅོས་བྱེད་བཞིན་ཡོད་པ་རེད།