༄༅།།ཕ་ཁི་སེ་ཐན་གྱི་འདེམས་བསྐོའི་འདེམས་ཤོག་འཕེན་སའི་ཉེ་འགྲམ་དུ་རང་ལྕེབ་རྣམ་པའི་
འབར་མདེལ་གྱི་འཇབ་རྒོལ་ཕོག་ནས་མི་29རྐྱེན་ལམ་དུ་ཤོར་བ།
གསར་འགྱུར་སྤེལ་དུས། 【2018ལོའི་ཟླ་ 07ཚེས་26ཉིན། 13:08】 (རྩོམ་སྒྲིག་འགན་འཁུར་པ། མཁའ་འགྲོ།)
མི་དམངས་དྲ་བའི་འཕྲིན། ཕ་ཁི་སེ་ཐན་ལྷོ་ནུབ་རྒྱུད་ཀྱི་པི་ལུའུ་ཀྲི་མངའ་སྡེའི་ཁུའེ་ཏ་གྲོང་ཁྱེར་གྱི་ཉེན་རྟོག་པས་ཚེས་25ཉིན། གྲོང་ཁྱེར་དེའི་འདེམས་བསྐོའི་འདེམས་ཤོག་འཕེན་སའི་ཉེ་འགྲམ་དུ་ཉིན་དེའི་སྔ་དྲོར་རང་ལྕེབ་རྣམ་པའི་འབར་མདེལ་གྱི་འཇབ་རྒོལ་ཕོག་ཡོད་པ་བཤད། ས་གནས་དེ་གའི་སྨན་ཁང་ནས་སྤེལ་བའི་གནས་ཚུལ་ལས། འཇབ་རྒོལ་གྱི་དོན་རྐྱེན་དེས་ཉེན་རྟོག་པ་3ཚུད་པའི་མི་29རྐྱེན་ལམ་དུ་བཏང་ཡོད་པ་དང་། མི་40ལ་རྨས་སྐྱོན་བཟོས་པ་ཡོད་པ་བཤད།