༄༅།།ནུས་རྩལ་སྦྱངས་ནས་དབུལ་སྒྲོལ་ལམ་དུ་སྐྱོད།

     མི་དམངས་དྲ་བའི་འཕྲིན། ཉེ་བའི་ལོ་ཤས་རིང་། བོད་ལྗོངས་གཞིས་རྩེ་གྲོང་ཁྱེར་གྱིས་ཞིང་འབྲོག་ཁུལ་གྱི་བུད་མེད་ལ་གོ་ཆོད་ནུས་རྩལ་གསོ་སྦྱོང་བྱེད་སྒོ་སྤེལ་རྒྱུར་དམ་འཛིན་བྱས་པས། དབུལ་སྒྲོལ་ཕྱུག་འགྱུར་བྱེད་པའི་མང་ཚོགས་ཀྱི་ལམ་བུ་སྔར་བས་རྒྱ་ཆེར་གཏོང་བར་གྲུབ་འབྲས་ལེགས་པོ་ཐོབ་ཡོད། དེའི་ནང་བཞད་མཐོང་སྨོན་རྫོང་ཆབ་ཁ་གྲོང་རྡལ་དགེ་སྡིང་གྲོང་ཚོའི་གྲོང་མིས་སྲོལ་རྒྱུན་གྱི་རྒྱན་གོས་དང་ཀོ་བཟོའི་ལག་རྩལ་སློབ་སྦྱོང་བྱས་པས། འབབ་འཕར་བྱུང་ལ་ཁོང་ཚོའི་དབུལ་སྒྲོལ་ཕྱུག་འགྱུར་གྱི་ཡིད་ཆེས་བསམ་པའང་རིམ་བཞིན་ཆེ་རུ་སོང་ཡོད།