༄༅།།བོད་ལྗོངས་ཆུ་ཤུར་སྲོག་ཆགས་གླིང་དངོས་སུ་སྒོ་ཕྱེ་བ།
གསར་འགྱུར་སྤེལ་དུས། 【2018ལོའི་ཟླ་ 05ཚེས་07ཉིན། 14:13】 (རྩོམ་སྒྲིག་འགན་འཁུར་པ། མཁའ་འགྲོ།)
མི་དམངས་དྲ་བའི་འཕྲིན། ཉེ་ཆར་བོད་ལྗོངས་ལྷ་ས་ཆུ་ཤུར་སྲོག་ཆགས་གླིང་དངོས་སུ་སྒོ་ཕྱེ་བ་རེད། ཆུ་ཤུར་སྲོག་ཆགས་གླིང་དེ་ཉིད་ལྷ་ས་གྲོང་ཁྱེར་ཆུ་ཤུར་རྫོང་ཆུ་ཤུར་གྲོང་རྡལ་དུ་གནས་པ་དང་། གླིང་ནང་དུ་ས་མཐོའི་སྲོག་ཆགས་དང་ཉེ་འཁོར་གྲོང་མིས་བསྐྱབས་པའི་བདག་ཏུ་མ་བཟུང་བའི་སྲོག་ཆགས་ཡོད་པ་ཕུད་ད་དུང་ནང་ས་ནས་དབོར་བའི་གླང་ཆེན་དང་། རྔ་མོང་། རྨ་བྱ་སོགས་ཀྱང་ཡོད་པས་མིག་སྔར་ཁྱོན་སྲོག་ཆགས་རིགས་30ལྷག་ཙམ་ལ་ཡུལ་སྐོར་བས་ལྟ་སྐོར་བྱེད་ཆོག་གི་ཡོད།