༄༅།།བརྩེ་སེམས་མཚོན་པའི་ཐང་ཡོན་གཞིས་སྲུང་བགྲེས་སོང་ལ་འབུལ་བ། 

     མི་དམངས་དྲ་བའི་འཕྲིན། 2018ལོའི་ཟླ་2ཚེས་27ཉིན། ཧོ་ཧྥེ་གྲོང་ཁྱེར་ཧྲུའུ་ཧྲན་ཆུས་ཅིང་ཀང་གྲོང་རྡལ་ཝེ་ལོའུ་སྡེ་ཁུལ་དུ“ཚོན་མདོག་སྣ་ཚོགས་ཀྱི་ཐང་ཡོན་བསྒྲིལ་ནས་གཞིས་སྲུང་བགྲེས་སོང་ལ་འབུལ”ཞེས་པའི་བྱེད་སྒོ་སྤེལ་བ་རེད། དང་བླངས་པ་ཚོས་ཐང་ཡོན་བསྒྲིལ་ནས་ཁོངས་གཏོགས་ཁུལ་གྱི་གཞིས་སྲུང་བགྲེས་སོང་དང་། མི་ཧྲེང་རྒན་རྒོན། གཞིས་ལུས་བྱིས་པ་སོགས་ལ་ཕུལ་ཡོད། བྱེད་སྒོ་དེས་ཀྲུང་ཧྭའི་སྲོལ་རྒྱུན་རིག་གནས་དར་སྤེལ་བཏང་བ་དང་སྦྲགས། “ཁྱིམ་མཚེས་འཆམ་མཐུན། སྤྱི་ཚོགས་སྲོལ་བཟང”ཞེས་པའི་སྤྱི་ཚོགས་ཀྱི་རྣམ་པ་བཟང་པོ་བཏོད་དེ། སྡེ་ཁུལ་དང་གྲོང་མིའི་དབར་གྱི་འབྲེལ་བ་ཟབ་ཏུ་བཏང་བ་མ་ཟད། ད་དུང་ཁོང་ཚོའི་གོང་བུ་སྒྲིལ་ཤུགས་དང་གཏོགས་སེམས་ཀྱང་ཆེ་རུ་བཏང་བ་རེད། གོང་ཚེས་ཉིན། ཨན་ཧུའེ་ཞིང་ཆེན་ཧོ་ཧྥེ་གྲོང་ཁྱེར་ཧྲུའུ་ཧྲན་ཆུས་ཅིང་ཀང་གྲོང་རྡལ་ཝེ་ལོའུ་སྡེ་ཁུལ་དུ། དང་བླངས་པ་ཚོས་ཐང་ཡོན་བསྒྲིལ་ནས་ཁོངས་གཏོགས་ཁུལ་གྱི་གཞིས་སྲུང་བགྲེས་སོང་ལ་བསྐྱལ་བ་རེད།