༄༅།།ཁྱད་ཆོས་ལྡན་པའི་འདེབས་འཛུགས་ལ་བརྟེན་ནས་ཞིང་པའི་ཡོང་འབབ་འཕར་སྣོན་གཏོང་རོགས་བྱས་པ།

     མི་དམངས་དྲ་བའི་འཕྲིན། ཉེ་བའི་ལོ་ཤས་རིང་། བོད་ལྗོངས་ཀྱིས་ས་མཐོའི་ཁྱད་ཆོས་ལྡན་པའི་འདེབས་འཛུགས་ལས་རིགས་འཕེལ་རྒྱས་ཤུགས་ཆེན་བཏང་ནས་རྒྱ་ཆེའི་ཞིང་འབྲོག་མང་ཚོགས་ལ་ལས་ཞུགས་ཐབས་ལམ་རྒྱ་ཆེན་པོ་མཁོ་འདོན་བྱས་པ་རེད།
     བོད་ལྗོངས་རྒྱལ་རྩེ་རྫོང་དུ་ས་གནས་དེ་གའི་བོད་སྐྱོར་ལས་བྱེད་པས་ཁ་ཆེ་གུར་གུམ་འདེབས་འཛུགས་ལག་རྩལ་ནང་འདྲེན་བྱས་པས། ངལ་རྩོལ་མང་འདུས་ཅན་གྱི་ཁ་ཆེ་གུར་གུམ་འདེབས་འཛུགས་ཀྱིས་ས་གནས་དེ་གའི་མང་ཚོགས་མང་པོ་ཞིག་གླ་པ་ལས་ཞུགས་སུ་བསྡུ་ལེན་བྱས་ནས་ཚང་མ་རང་ཡུལ་དང་བྲལ་མི་དགོས་པར་ཡོང་འབབ་གསོག་ཐུབ་ཀྱི་ཡོད་པ་རེད།