༄༅།།ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ།

     མི་དམངས་དྲ་བའི་འཕྲིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་གདན་ཞུས་གནང་བ་ལྟར། ཧྥ་རན་སེ་སྤྱི་མཐུན་རྒྱལ་ཁབ་ཀྱི་ཙུང་ཐུང་ཨའེ་མཱ་ཉིའུ་ཨེར·མཱ་ཁེ་ལུང(Emmanuel Macron)གིས་ཟླ་1ཚེས་8ཉིན་ནས་ཚེས་10ཉིན་བར་ཀྲུང་གོར་རྒྱལ་དོན་འཚམས་འདྲི་བྱ་རྒྱུ་རེད།
     མཱ་ཁེ་ལུང་ནི་1977ལོར་ཧྥ་རན་སེའི་བྱུང་རྒྱུད་ཀྱི་གྲོང་ཁྱེར་ཡཱ་མིན(Amiens)དུ་སྐྱེས་ཤིང་། ཕ་རི་སི་སློབ་ཆེན་ཨང་བཅུ་པ་དང་། ཧྥ་རན་སི་ཆབ་སྲིད་སློབ་གླིང་། ཧྥ་རན་སེ་རྒྱལ་ཁབ་སྲིད་འཛིན་སློབ་གླིང་བཅས་ནས་སློབ་ཐོན་བྱས་པ་རེད། མཱ་ཁེ་ལུང་གིས་2012ལོར་ཙུང་ཐུང་ལས་ཁུངས་གི་དྲུང་ཡིག་ཆེ་མོ་གཞོན་པའི་འགན་ཁུར་བ་དང་། 2014ལོའི་ཟླ་8པར་ཧྥ་རན་སེའི་དཔལ་འབྱོར་དང་བཟོ་ལས། གྲངས་ཀ་ལས་དོན་པུའུ་ཡི་པུའུ་ཀྲང་གི་འགན་འཁུར་བ་རེད། 2016ལོར། མཱ་ཁེ་ལུང་གིས་ཆབ་སྲིད་ཚོགས་པའི"མདུན་སྐྱོད"ལས་འགུལ་གསར་འཛུགས་བྱས་པ་མ་ཟད། རང་ཚུགས་འོས་མིའི་ཐོབ་ཐང་ཐོག་ནས་ཙུང་ཐུང་འདེམས་བསྐོ་ལ་ཞུགས་ཤིང་། 2017ལོའི་ཟླ་5ཚེས་7ཉིན། མཱ་ཁེ་ལུང་ཧྥ་རན་སེའི་སྤྱི་མཐུན་རྒྱལ་ཁབ་ཀྱི་སྐབས་བརྒྱད་པ་སྟེ་ཙུང་ཐུང་ཨང་བཅུ་གཅིག་པའི་འགན་ཁུར་ཞིང་། ཟླ་5ཚེས་14ཉིན་ཙུང་ཐུང་གི་འགན་དངོས་སུ་ཁུར་འགོ་ཚུགས་པ་རེད།