༄༅།།མཚོ་སྔོན་གྱི་ཐེན་ཡིའུ་ཏེ་རུ་ཁག་གི་རྐང་འཁོར་བ་ཆའོ་ན་སེན·མོང་སའེ་ཕུའུ་ལ་མཚོ་སྐོར་
འགྲན་བསྡུར་ནང་མི་སྒེར་གྱི་སྤྱིའི་ཨང་དང་པོ་ཐོབ་པ། 

      མི་དམངས་དྲ་བའི་འཕྲིན། ཟླ་7ཚེས་29ཉིན། མཚོ་སྔོན་པོར་སྐོར་བའི་རྒྱལ་སྤྱིའི་གཞུང་ལམ་གྱི་རྐང་འཁོར་འགྲན་བསྡུར་སྐབས་བཅུ་དྲུག་པའི་འགྲན་བསྡུར་མཐའ་མའི་ནང་ཧ་སག་སི་ཐན་གྱི་ཨ་སི་ཐ་ནའི་ཝེ་ནུའོ་རུ་ཁག་གི་རྐང་འཁོར་བ་ཀེ་ཏི་ཁྲེ·ཡེ་ཝུ་ཀེ་ཉིར་འགྲན་བསྡུར་དུམ་བུའི་ཨང་དང་པོ་ཐོབ་པ་དང་མཚོ་སྔོན་ཐེན་ཡིའུ་ཏེ་རུ་ཁག་གི་རྐང་འཁོར་བ་ཆའོ་ན་སེན·མོང་སའེ་ཕུའུ་ལ་མི་སྒེར་གྱི་སྤྱིའི་ཨང་དང་པོ་ཐོབ་པ་རེད།
        ཚོགས་པའི་སྤྱིའི་གྲུབ་འབྲས་ཨང་དང་པོ་ནི་ཁུ་ཝེ་ཐེའི་ཁ་ཐུའུ་ཧྲུའུ་རུ་ཁག་ཡིན་པ་དང་ཨེ་ཤེ་ཡ་ཚོགས་པའི་ཨང་དང་པོ་ནི་ཧ་སག་སི་ཐན་གྱི་ཨ་སི་ཐ་ནའི་ཝེ་ནུའོ་རུ་ཁག་ཡིན་པ་རེད།
       2017ལོའི་མཚོ་སྔོན་པོར་སྐོར་བའི་རྒྱལ་སྤྱིའི་རྐང་འཁོར་འགྲན་བསྡུར་དུས་ཡུན་ཉིན་14གཉེར་བ་དང་ཁྱོན་འགྲན་བསྡུར་དུམ་བུ་13བཀོད་སྒྲིག་བྱས་པར་སྤྱིའི་བར་ཐག་སྤྱི་ལེ་3347ཟིན་པ་དེའི་ནང་འགྲན་བསྡུར་གྱི་བར་ཐག་སྤྱི་ལེ་2042དང་འགྲན་ར་སྐོར་བའི་བར་ཐག་སྤྱི་ལེ་1305ཡོད་པ་རེད།