༄༅།།ཡུམ་ཆེན་གྱི"འཛུམ་མདངས་བྱ་སྤྱོད"ཅེས་པ་ལྷ་སར་བསྐྱོད་པས་ཁ་ཤོའི་བྱིས་པ་80ལྷག་
ལ་ཕན་པ་ཐོབ་པ།

      མི་དམངས་དྲ་བའི་འཕྲིན། དུས་ཡུན་ཉིན་གསུམ་རིང་གི་ཡུན་ཆེན་གྱི"འཛུམ་མདངས་བྱ་སྤྱོད"ཁ་ཤོའི་ནད་པ་རིན་མེད་བཤགས་བཅོས་བྱེད་པ་དེ་ཟླ་7ཚེས་15ཉིན་དྲག་ཆས་ཉེན་རྟོག་བོད་ལྗོངས་མཐའ་སྲུང་སྤྱི་ཁྱབ་རུ་ཁག་གི་སྨན་ཁང་དུ་སྤེལ་འགོ་ཚུགས་ཤིང་། བོད་ལྗོངས་ཀྱི་བྱིས་པ་80ཙམ་རྒྱལ་ནང་གི་ཆེད་མཁས་པས་རིན་མེད་བཤགས་བཅོས་བྱས་པ་རེད།
       ཤེས་རྟོགས་བྱུང་གསལ་དུ། ཡུམ་ཆེན་གྱི"འཛུམ་མདངས་བྱ་སྤྱོད"ཅེས་པ་ནི་དབུལ་ཕོངས་ཁྱིམ་ཚང་གི་ཁ་ཤོ་དང་ངོ་གདོང་ཡ་མ་གཟུགས་ཀྱི་ནད་པར་ཆེད་མངགས་རིན་མེད་སྨན་བཅོས་རོགས་སྐྱོབ་བྱེད་པའི་སྤྱི་ཕན་དགེ་སྒྲུབ་ཀྱི་བྱེད་སྒོ་ཞིག་ཡིན་ལ། འདི་ནི་ཆེད་ལས་རིམ་པ་མཐོ་བའི་ཕུལ་བྱུང་སྨན་དཔྱད་མི་སྣ་དང་སྤྱི་ཚོགས་ཀྱི་ལས་རིགས་ཁག་གི་གཅེས་སེམས་མི་སྣས་གྲུབ་པའི་དང་བླངས་པའི་རུ་ཁག་ཅིག་ཡིན་པ་དང་། དེ་ནི་སྤྱི་ཕན་དགེ་སྒྲུབ་དམིགས་ཡུལ་དུ་བཟུང་བའི་གཞུང་ཕྱོགས་མིན་པའི་རྩ་འཛུགས་ཤིག་ཡིན་པ་རེད།