༄༅།།བོད་ལྗོངས་མངོན་མིན་རིག་གནས་ཤུལ་བཞག་རྟེན་རྫས་བཤམས་མཛོད་ཁང་གི་རྣམ་
གྲངས་ཀྱི་ལས་ཡུལ་དུ་ལྟ་སྐོར་བྱེད་པ།

     མི་དམངས་དྲ་བའི་འཕྲིན། ཟླ་6ཚེས་10ཉིན་ཀྲུང་གོ་ཨར་སྐྲུན་ལས་གྲྭ་སྤྱི་ཁྱབ་ཀུང་སིའི་ཅུས་དང་པོས་སྐྲུན་འགན་འཁུར་བའི་བོད་ལྗོངས་མངོན་མིན་རིག་གནས་ཤུལ་བཞག་རྟེན་རྫས་བཤམས་མཛོད་ཁང་གི་རྣམ་གྲངས་ཀྱི་ལས་ཡུལ་དུ་བོད་ལྗོངས་སློབ་ཆེན་དང་བོད་ལྗོངས་འཇའ་ཚོན་ཆུ་མིག་ཕན་བདེ་ཁང་གི་དགེ་སློབ་ཚོ་དང་དེ་བཞིན་ཡུལ་དེ་གའི་མང་ཚོགས་ལྟ་སྐོར་བྱེད་པར་ཡོང་ཡོད། བོད་ལྗོངས་མངོན་མིན་རིག་གནས་ཤུལ་བཞག་རྟེན་རྫས་བཤམས་མཛོད་ཁང་གི་རྣམ་གྲངས་ལྷ་ས་གྲོང་ཁྱེར་ཚེ་མཆོག་གླིང་རིག་གནས་བསམ་བཀོད་གླིང་དུ་ཡོད་པ་དང་སྔོན་དཔག་ལྟར་ན་2018ལོར་བསྐྲུན་ཟིན་རྒྱུ་ཡིན་ཞིང་། གོང་གི་པར་རིས་ནི་བོད་ལྗོངས་སློབ་ཆེན་དང་བོད་ལྗོངས་འཇའ་ཚོན་ཆུ་མིག་ཕན་བདེ་ཁང་གི་དགེ་སློབ་ཚོ་དང་དེ་བཞིན་ཡུལ་དེ་གའི་མང་ཚོགས་ཚོས་བོད་ལྗོངས་མངོན་མིན་རིག་གནས་ཤུལ་བཞག་རྟེན་རྫས་བཤམས་མཛོད་ཁང་གི་རྣམ་གྲངས་ཀྱི་ལས་ཡུལ་དུ་ལྟ་སྐོར་བྱེད་པའི་གནས་ཚུལ་ཡིན་པ།