༄༅།།ཏིང་ཉིང་གིས་འཛམ་གླིང་གི་ཨང་དང་པོ་ཐེངས་གསུམ་པ་བླངས་པ།

     མི་དམངས་དྲ་བའི་འཕྲིན། 6ཚེས་4ཉིན། ལོ་26ལ་སླེབས་པའི་འགྲན་བསྡུར་ཆེ་མོ་གསུམ་གྱི་ཨང་དང་པོ་ཐོབ་པའི་ཏིང་ཉིང་གིས་གྲོང་ཁྱེར་ཏུའུ་སའར་ཏོ་ཕུའུ་རུ་བྱས་པའི་ཀྲུང་གོའི་རུ་ཁག་དབར་གྱི་འགྲན་བསྡུར་ནང་4：2ཀྱི་གྲུབ་འབྲས་ཐོག་ནས་ལོ་ན་ཕྲ་བའི་རུ་གྲོགས་ཀྲུའུ་ཡུས་ལིང་ལས་རྣམ་པར་རྒྱལ་ནས་འཛམ་གླིང་གི་ཕིང་ཕང་སྤོ་ལོའི་བུད་མེད་ཡ་རྒྱག་འགྲན་བསྡུར་གྱི་ཨང་དང་པོ་ཐེངས་གསུམ་པ་བླངས་པ་རེད།
     དེ་ནི་ཀྲུང་གོའི་བདམས་ཐོན་པས་ཐེངས་བཅུ་གཉིས་བསྟུད་མར་ཀའེ་སི་ཐེ་བུམ་པ་བླངས་པ་དང་འཛམ་གླིང་གི་ཕིང་ཕང་སྤོ་ལོ་འགྲན་བསྡུར་བྱེད་འགོ་ཚུགས་ནས་ལོ་91སོང་བའི་ལོ་རྒྱུས་ནང་ཨང་དང་པོ་ལེན་ཐེངས་22པ་རེད།