༄༅།།ཨེ་ཅིབ་ཏུ་གནའ་བོའི་སྐུ་དྲག་གི་དུར་ས་ཞིག་རྙེད་ཅིང་དུར་ས་ནས་ཕུང་སྐམ་མང་པོ་ཞིག་ཐོན་པ།

       མི་དམངས་དྲ་བའི་འཕྲིན། ཟླ་4ཚེས་18ཉིན། ཨེ་ཅིབ་རྒྱལ་ཁབ་རིག་དངོས་པུའུ་ཡིས་གནའ་མཁར་ལུའུ་ཁེ་སུའོ་(卢克索)ནས་གནའ་རྫས་རྟོག་ཞིབ་མི་སྣས་ཉི་ལུའོ་གཙང་པོའི་ནུབ་ངོགས་ནས་སྐུ་དྲག་གི་དུར་ས་ཆེ་གྲས་ཤིག་རྙེད་ཅིང་། ད་ལྟ། དུར་ས་ནས་ཕུང་སྐམ་(木乃伊)8དང་རིག་དངོས་རྩ་ཆེན་རིགས་སྟོང་ཕྲག་ལྷག་ཙམ་ཐོན་འདུག་ཅེས་ཡོངས་སུ་བསྒྲགས་པ་རེད།
       ཐེངས་འདིའི་སྔོག་འདོན་གྱི་གནའ་རྫས་རྟོག་ཞིབ་རུ་ཁག་གི་སྣེ་ཁྲིད་པ་མུའུ་སི་ཐ་ཧྥ་•ཝ་ཆི་ལི་ཡིས་ཤིན་ཧྭ་གསར་འགྱུར་ཁང་གི་གསར་འགོད་པར་དུར་ས་འདི་ནི་གོང་མའི་གྲོག་རོང་ཉེ་འཁོར་གྱི་ཏི་ལ་•ཨ་པུར་•ནཱ་ཅ་ཡི་མཐོ་རིམ་སྐུ་དྲག་གི་དུར་སའི་ཁུལ་ཡིན་ལ། དུར་སའི་བདག་པོའི་མིང་ལ་ཝུ་སེར་ཧ་ཐི་ཟེར་ཞིང་། ས་གནས་དཔོན་པོ་ཞིག་ཡིན་པ་དང་། འཚོ་བའི་དུས་ཚོད་ནི་གནའ་བོའི་ཨེ་ཅིབ་ཀྱི་རྒྱལ་རབས་བཅོ་བརྒྱད་པའི་སྐབས་ཡིན་འདུག་ཅེས་བརྗོད་པ་རེད།