༄༅།།ཀྲུང་གོས་ལྷོ་སྣེའི་ལུའོ་སི་མཚོ་ཁོངས་སུ་རྟོག་ཞིབ་ས་ཚིགས་གསར་དུ་འཛུགས་ཡུལ་ལེགས་
འདེམས་ལས་ཀ་ལེགས་འགྲུབ་བྱས་པ།

     མི་དམངས་དྲ་བའི་འཕྲིན། ས་གནས་དེ་གའི་དུས་ཚོད་ཟླ་2ཚེས་13ཉིན་གྱི་ཆུ་ཚོད་21:00ཡས་མས་སུ་མཚོ་ཕག་རྟགས་ཅན་གྱི་ཐད་འཕུར་གནམ་གྲུར་ཚན་རིག་པ་མང་པོ་ཞིག་བསྡད་ནས་ནན་ཡན་གླིང་ཕྲན་ནས་བདེ་འཇགས་ངང་“གངས་འབྲུག་”རྟགས་ཅན་གྱི་གྲུ་གཟིངས་སུ་ལོག་པ་དང་ཆབས་ཅིག་ཀྲུང་གོའི་ལྷོ་སྣེའི་ཚན་རིག་རྟོག་ཞིབ་རུ་ཁག་ཐེངས་33པས་ལུའོ་སི་མཚོ་ཁོངས་སུ་ཀྲུང་གོས་ལྷོ་སྣེའི་རྟོག་ཞིབ་ས་ཚིགས་5པ་གསར་དུ་འཛུགས་ཡུལ་ལེགས་འདེམས་ལས་ཀ་ཡོངས་སུ་ལེགས་འགྲུབ་བྱས་པ་རེད།
     ལུའོ་སི་མཚོ་ཁོངས་ནི་ལྷོ་རྒྱ་མཚོ་ཆེན་པོ་ལྷོ་སྣེ་གླིང་དུ་བཞུར་ནས་ཆགས་པའི་མཐའ་ཁུལ་མཚོ་ཞིག་ཡིན་ཞིང་། དེ་ནི་མིའི་རིགས་ཀྱིས་གྲུ་གཟིངས་ལ་བརྟེན་ནས་ལྷོ་སྣེའི་སྐམ་ས་ཆེན་པར་སླེབས་པའི་བརྒྱུད་ལམ་ཡིན་པ་དང་། ལྷོ་སྣེར་བསྐྱོད་རྒྱུའི་ལམ་ཐིག་ལེགས་འདེམས་ཤིག་ཡིན་ལ། གནམ་གཤིས་འགྱུར་ལྡོག་གིས་ལྷོ་སྣེ་མ་ཟད་འཛམ་གླིང་ཧྲིལ་པོར་ཤུགས་རྐྱེན་ཐེབས་ཚུལ་ཞིབ་འཇུག་བྱ་རྒྱུའི་ས་ཁོངས་གལ་ཆེན་ཞིག་ཀྱང་ཡིན་པ་རེད།