༄༅།།ཧིན་རྡུ་ཉི་ཞི་ཡའི་རྒྱལ་སར་འབར་གས་དོན་རྐྱེན་བྱུང་ནས་མི་7རྐྱེན་ལམ་དུ་ཤོར་བ།

     མི་དམངས་དྲ་བའི་འཕྲིན། ཀྲུང་དབྱང་བརྙན་འཕྲིན་ལས་ཁུངས་ཀྱི་གསར་འགྱུར་ལྟེ་གནས་ཀྱི་གཞུང་ཕྱོགས་པོད་འཕྲིན་གྱི་འཕྲིན་གསར་ལྟར་ན། སྤྱི་ཟླ་1ཚེས་14ཉིན་གྱི་སྔ་དྲོར། ཧིན་རྡུ་ཉི་ཞི་ཡའི་རྒྱལ་ས་ཅ་ཁར་ཐ་གྲོང་ཁྱེར་དུ་འབར་གས་དོན་རྐྱེན་བྱུང་ནས་མི་24ལྷག་ལ་ཤི་རྨས་ཐེབས་ཤིང་། དེའི་ནང་མི་7རྐྱེན་ལམ་དུ་ཤོར་བ་དང་། མི་7ཁྲོད་ཀྱི་མི་5ནི་འཇིགས་སྐུལ་འཇབ་རྒོལ་བའི་དོགས་ཅན་མི་སྣ་ཡིན་ལ། མི་2ནི་སྤྱི་དམངས་ཡིན་པ་དང་། དེའི་ཁྲོད་ཀྱི་གཅིག་ནི་ཧོ་ལན་རྒྱལ་ཁབ་ཀྱི་མི་ཡིན་པ་རེད། ཉེན་རྟོག་ཕྱོགས་ཀྱིས་སྔར་བཞིན་འབར་གས་བྱུང་སར་རྟོག་ཞིབ་བྱས་ཏེ་བདེན་དཔང་འཚོལ་གྱི་ཡོད་པ་རེད།