༄༅།།དབྱི་རན་གྱི་ཉིང་རྡུལ་སྐོར་གྱི་གནད་དོན་ཐད་ཕྱོགས་ཡོངས་ནས་གྲོས་མཐུན་བྱུང་བས་
དམངས་ཚོགས་ཁྲོམ་ལམ་དུ་འཛོམས་ཏེ་རྟེན་འབྲེལ་ཞུ་བ།

     མི་དམངས་དྲ་བའི་འཕྲིན། ས་གནས་དེ་གའི་དུས་ཚོད་2015ལོའི་ཟླ་7ཚེས་14ཉིན་དབྱི་རན་གྱི་རྒྱལ་ས་ཐེ་ཧེ་རན་གྲོང་ཁྱེར་དུ་དབྱི་རན་དམངས་ཚོགས་ཁྲོམ་ལམ་དུ་འཛོམས་ཏེ་དབྱི་རན་གྱི་ཉིང་རྡུལ་སྐོར་གྱི་གནད་དོན་གྲོས་མོལ་ལ་ཕྱོགས་ཡོངས་ནས་གྲོས་མཐུན་བྱུང་བར་རྟེན་འབྲེལ་ཞུས་པ་རེད།
     གནས་འཕྲིན་སྤེལ་བ་ལྟར་ན། དབྱི་རན་གྱི་ཉིང་རྡུལ་སྐོར་གྱི་གནད་དོན་གྱི་རྒྱལ་ཁབ་དྲུག་(ཨ་རི་དང་། དབྱིན་ཇི། ཧྥ་རན་སེ། ཨུ་རུ་སུ། ཀྲུང་གོ། འཇར་མན་བཅས་)དང་དབྱི་རན་རྒྱལ་ཁབ་ཀྱིས་ཉིན་དེར་དབྱི་རན་གྱི་ཉིང་རྡུལ་སྐོར་གྱི་གནད་དོན་ཐག་གཅོད་བྱེད་པའི་ཐད་ཕྱོགས་ཡོངས་ནས་གྲོས་མཐུན་གཅིག་གྱུར་བྱུང་ཡོད་ཅེས་དངོས་སུ་ཡོངས་བསྒྲགས་བྱས་པས། ལོ་12རིང་གྲོས་མོལ་བྱས་པའི་དབྱི་རན་གྱི་ཉིང་རྡུལ་སྐོར་གྱི་གནད་དོན་ཐད་དོན་དངོས་ཀྱི་རང་བཞིན་ལྡན་པའི་བར་བརྒལ་བྱུང་བ་རེད།