༄༅།།མཚོ་སྔོན་བོད་རིགས་ས་ཁུལ་དུ་རྒྱལ་ཁབ་ཀྱི་ས་གཤིས་གནས་ཚུལ་ལ་ཡོངས་ཁྱབ་ཞིབ་
བཤེར་ཐོག་མར་བྱས་པ།

     མི་དམངས་དྲ་བའི་འཕྲིན། ཉེ་ཆར་མཚོ་སྔོན་ཞིང་ཆེན་ཐིག་ལེན་ས་གཤིས་ཆ་འཕྲིན་ཅུས་ནས་ཤེས་རྟོགས་བྱས་པར། རྒྱལ་ཁབ་འབྲེལ་ཡོད་སྡེ་ཚན་གྱི་རྒྱབ་སྐྱོར་འོག་མཚོ་སྔོན་བོད་རིགས་ས་ཁུལ་དུ་རྒྱལ་ཁབ་ཀྱི་ས་གཤིས་གནས་ཚུལ་ཡོངས་ཁྱབ་ཞིབ་བཤེར་ཐོག་མར་ལེགས་གྲུབ་བྱུང་བ་དང་འབྲེལ་1∶5ཡི་ས་བབ་ས་བཀྲ་ཞིང་ཆེན་ཡོངས་སུ་ཁྱབ་ཡོད་པ་རེད།
     རྒྱལ་ཁབ་ཀྱི་ས་གཤིས་གནས་ཚུལ་ཡོངས་ཁྱབ་ཞིབ་བཤེར་ནི་རྒྱལ་ཁབ་ཀྱི་གནས་ཚུལ་དང་རྒྱལ་སྟོབས་ཀྱི་བརྟག་དཔྱད་ལས་དོན་གལ་ཆེན་ཞིག་དང་། རྒྱལ་ཁབ་ས་ཆའི་ས་གཤིས་གནས་ཚུལ་གྱི་ཆ་འཕྲིན་ཁྱོན་ཡོངས་ནས་ཐོབ་པའི་བྱེད་ཐབས་གལ་ཆེན་ཞིག ས་ངོས་ཀྱི་རང་བྱུང་དང་སྣོད་བཅུད་དེ་བཞིན་མིའི་རིགས་ཀྱི་བྱེད་སྒོའི་གཞི་རྩའི་གནས་ཚུལ་སྟངས་འཛིན་བྱེད་པའི་རྨང་གཞིའི་རང་བཞིན་གྱི་ལས་དོན་ཞིག་བཅས་རེད། མཚོ་སྔོན་གྱི་ས་རྒྱ་ཆེ་བ་དང་དཔལ་འབྱོར་ཅུང་རྗེས་ལུས་ཡིན་པར་དམིགས་ནས་རྒྱལ་ཁབ་ཐིག་ལེན་ས་གཤིས་ཆ་འཕྲིན་ཅུས་ཀྱིས་མཚོ་སྔོན་གྱི་ཡུལ་ཤུལ་བོད་རིགས་རང་སྐྱོང་ཀྲོའུ་དང་། མགོ་ལོག་བོད་རིགས་རང་སྐྱོང་ཀྲོའུ། མཚོ་ལྷོ་བོད་རིགས་རང་སྐྱོང་ཀྲོའུ། མཚོ་ནུབ་སོག་རིགས་བོད་རིགས་རང་སྐྱོང་ཀྲོའུ་བཅས་སུ་རྒྱལ་ཁབ་ཀྱི་ས་གཤིས་གནས་ཚུལ་ཡོངས་ཁྱབ་ཞིབ་བཤེར་གྱི་ལས་འགན་སྤེལ་རོགས་བྱས་པ་དང་། ཡོངས་ཁྱབ་ཞིབ་བཤེར་བྱས་པའི་རྒྱ་ཁྱོན་སྤྱི་ལེ་ངོས་གྲུ་ཁྲི་62ཟིན་པ་དེས་མཚོ་སྔོན་ཞིང་ཆེན་སྲིད་འཛིན་ས་ཁོངས་རྒྱ་ཁྱོན་གྱི་80%ཟིན་ཡོད་པ་རེད།
     མིག་སྔར་ཡོངས་ཁྱབ་ཞིབ་བཤེར་གྱི་གྲངས་གཞི་ཐོན་པ་དང་གྲུབ་འབྲས་རྩིས་ལེན་གྱི་ལས་དོན་ལེགས་གྲུབ་ཟིན་ནས་ཞིབ་དཔྱད་ཆོག་འཐུས་ཀྱི་དུས་མཚམས་སུ་སླེབས་པ་དེ་མཚོ་སྔོན་ཞིང་ཆེན་རྒྱལ་ཁབ་ཀྱི་ས་གཤིས་གནས་ཚུལ་ཡོངས་ཁྱབ་ཞིབ་བཤེར་ནང་ཞུགས་ཐོག་མ་དེ་རེད། རྒྱལ་ཁབ་ཀྱི་ས་གཤིས་གནས་ཚུལ་ཡོངས་ཁྱབ་ཞིབ་བཤེར་གྱི་གྲུབ་འབྲས་དེས་མཚོ་སྔོན་ཞིང་ཆེན་གྱི་ས་ཆའི་ཐོན་ཁུངས་བརྟག་དཔྱད་དང་། ཡུལ་ཤུལ་གྱི་ཡོམ་འགོག་གེགས་སེལ། གཙང་གསུམ་ཆུ་མགོའི་སྣོད་བཅུད་འཛུགས་སྐྲུན་སྲུང་སྐྱོང་སོགས་ཀྱི་དཔལ་འབྱོར་དང་སྤྱི་ཚོགས་བྱ་གཞག་ཁྲོད་ནུས་པ་གལ་ཆེན་འདོན་ཐེངས་གཉིས་པ་དེ་ཡིན་པ་རེད།