༄༅།།བོད་ལྗོངས་སློབ་ཆེན་གྱིས“ཇོ་རིའི་མཁས་དབང”ཞེས་པའི་ཤེས་ལྡན་མི་སྣའི་འཆར་
གཞི་ལག་བསྟར་བྱེད་འགོ་ཚུགས་པ།

     མི་དམངས་དྲ་བའི་འཕྲིན། ཉིན་ཤས་གོང་བོད་ལྗོངས་སློབ་ཆེན་གྱིས་2015ལོའི་ལོ་འཁོར་གྱི“ཇོ་མོ་གླང་མའི་མཁས་དབང”ཞེས་པའི་ཤེས་ལྡན་མི་སྣའི་འཆར་གཞི་ལག་བསྟར་བྱེད་འགོ་ཚུགས་པའི་ནང་དགེ་རྒན་154“ཇོ་མོ་གླང་མའི་མཁས་དབང”སོགས་ཀྱི་ཤེས་ལྡན་མི་སྣ་རིམ་པ་5ཡི་ནང་བདམས་པ་མ་ཟད། སློབ་གྲྭ་དང་ཚན་རིག་ཞིབ་འཇུག་དང་སློབ་ཁྲིད་ཀྱི་གདན་ཞུས་བཀོལ་སྤྱོད་གན་རྒྱ་ཡང་བཞག་པ་རེད། དེ་ནི་བོད་ལྗོངས་སློབ་ཆེན་གྱིས“ཤེས་ལྡན་མི་སྣའི་སློབ་གྲྭ་སྟོབས་ཆེན”ལ་སྐུལ་འདེད་གཏོང་བ་དང་ཆུ་ཚད་མཐོ་བའི་སློབ་ཆེན་གང་མགྱོགས་འཛུགས་སྐྱོང་བྱེད་པའི་གལ་ཆེའི་བྱ་ཐབས་ཤིག་རེད།
     ཤེས་རྟོགས་བྱུང་བར་གཞིགས་ན། ད་རེས་ཀྱི་ཇོ་མོ་གླང་མའི་མཁས་དབང་དང་ཤེས་ལྡན་མི་སྣའི་འཆར་གཞིའི་ནང་དུ་དགེ་རྒན་རྒན་དར་གཞོན་གསུམ་གྱི་ཤེས་ལྡན་མི་སྣའི་མ་ལག་གི་དཔུང་ཁག་ཚུད་ཡོད། ཤེས་ལྡན་མི་སྣར་བདམས་པ་དེ་དག་ལ་བོད་ལྗོངས་སློབ་ཆེན་གྱིས་ཚན་རིག་ཞིབ་འཇུག་གི་གྲོན་དངུལ་རོགས་སྐྱོར་བྱ་རྒྱུ་དང་། ཚོགས་པ་འཛུགས་གཉེར་དང། ཐོན་ཁུངས་དང་ལས་སྟེགས་འཛུགས་སྐྱོང་། རྒྱལ་ཁབ་ཕྱི་ནང་དུ་ཟབ་སྦྱོང་། ཕུལ་བྱུང་པ་སློབ་གྲྭའི་ཕྱི་རོལ་གྱི་ཤེས་ལྡན་མི་སྣའི་འཆར་གཞིར་འོས་སྦྱོར་སོགས་ཀྱི་ཐད་ལ་སྲིད་ཇུས་ཐོག་ནས་གཟིགས་སྐྱོང་བྱ་རྒྱུ་དང་ཆབས་ཅིག་སློབ་གྲྭས་ད་དུང་ལོ་ལྟར་ཤེས་ལྡན་མི་སྣར་བདམས་ཐོན་བྱུང་བ་དེ་དག་གི་བཀོལ་སྤྱོད་ལས་འགན་དང་ལོ་འཁོར་གྱི་ལས་དོན་ལ་དཔྱད་ཞིབ་ཀྱང་བྱ་རྒྱུ་རེད།