༄༅།།ཀྲུང་དབྱང་མི་རིགས་སློབ་ཆེན་བོད་རིག་པ་ཞིབ་འཇུག་སློབ་གླིང་གི་མཐར་ཕྱིན་སློབ་མ་སྐྱེལ་
བའི"གྱེས་བྲལ་སེམས་ཀྱི་རེ་སྨོན"ཞེས་པའི་དགོང་ཚོགས།

     མི་དམངས་དྲ་བའི་འཕྲིན། ཀྲུང་དབྱང་མི་རིགས་སློབ་ཆེན་བོད་རིག་པ་ཞིབ་འཇུག་སློབ་གླིང་གི་2015ལོའི་མཐར་ཕྱིན་སློབ་མ་སྐྱེལ་མ་བྱེད་པའི་དགོང་ཚོགས་ཏེ"གྱེས་བྲལ་སེམས་ཀྱི་རེ་སྨོན"ཞེས་པ་སྤྱི་ཟླ་6ཚེས་12ཉིན་གྱི་དགོང་མོའི་ཆུ་ཚོད་བདུན་གྱི་ཐོག་སློབ་གྲྭའི་ཚོགས་ཁང་ཆེན་མོ་ནས་འཚོགས། ཀྲུང་དབྱང་མི་རིགས་སློབ་ཆེན་གྱི་འབྲེལ་ཡོད་འགོ་ཁྲིད་དང་བོད་རིག་པ་ཞིབ་འཇུག་སློབ་གླིང་གི་དགེ་སློབ་ཡོངས། གཞན་སློབ་གྲྭའི་རྒྱ་རིགས་སློབ་མ་ཡང་མང་པོ་ཞིག་འཛོམས་ཡོད། དགོང་ཚོགས་ཀྱི་ལེ་ཚན་ནང་ཞབས་བྲོ་འཁྲབ་པ་དང་། གླུ་གཞས་ལེན་པ། རྡུང་ལེན་བྱེད་པ། ལེགས་སྐྱེས་སྩོལ་བའི་རྩེད་མོ་སོགས་བཀོད་སྒྲིག་བྱས་ཡོད་པ་མ་ཟད། མཐར་ཕྱིན་སློབ་མ་ཚོ་སློབ་ཆེན་འདི་གར་སླེབས་རྗེས་ཀྱི་འཚོ་བའི་བརྙན་རིས་སོགས་ཀྱང་བཀོད་ཡོད་པས། མཐར་ཕྱིན་སློབ་མ་ཚོ་དང་དེ་གར་ཕེབས་པའི་ལྟད་མོ་བ་ཚོར་སློབ་ཆེན་གྱི་འཚོ་བ་དེ་བརྗེད་དུ་མེད་པར་འགྱུར་བ་ཞིག་བྱས་ཡོད་པ་རེད།