༄༅།།ཀྲུང་གོ་གུང་ཁྲན་ཏང་བོད་ལྗོངས་ཉིང་ཁྲི་གྲོང་ཁྱེར་གྱི་འཐུས་མི་ཚོགས་ཆེན་ཐེངས་
དང་པོ་འཚོགས་པ།

     མི་དམངས་དྲ་བའི་འཕྲིན། བོད་ལྗོངས་ཉིན་རེའི་ཚགས་པར་ཐོག་གནས་ཚུལ་སྤེལ་བར་གཞིགས་ན། ཟླ་6ཚེས་10ཉིན་གྱི་སྔ་དྲོ་འོད་སྟོང་འཕྲོ་བའི་ལོ་རྒྱུས་ཀྱི་ལམ་བུ་ལོ་29བརྒྱུད་ཟིན་པའི་ཉིང་ཁྲི་ས་ཁུལ་དེ་ཉིད་རྒྱལ་ཡོངས་ཀྱི་ས་ཁུལ་རིམ་པའི་གྲོང་ཁྱེར་གྱི་གྲལ་སྟར་ནང་སླེབས་ཡོད། ཉིང་ཁྲི་གྲོང་ཁྱེར་གྱི་མི་རིགས་ཁག་དང་ལས་རིགས་ཁག་ནས་ཡོང་བའི་ཏང་གི་འཐུས་མི་ཚོ་ཉིང་ཁྲིའི་དམངས་ཡོངས་ཀྱི་ལུས་སྦྱོང་ལྟེ་གནས་སུ་མཉམ་འཛོམས་བྱས་ཏེ་ཀྲུང་གུང་ཉིང་ཁྲི་གྲོང་ཁྱེར་གྱི་འཐུས་མི་ཚོགས་ཆེན་ཐེངས་དང་པོ་དེ་རྒྱལ་ཁའི་ངང་འཚོགས་པའི་དཔང་པོ་བྱས་ཡོད།
     ཤེས་རྟོགས་བྱུང་བར་གཞིགས་ན། ད་རེས་ཀྱི་ཚོགས་ཆེན་ཐོག་ཀྲུང་གོ་གུང་ཁྲན་ཏང་ཉིང་ཁྲི་ས་ཁུལ་ཨུ་ཡོན་ལྷན་ཁང་དང་ཀྲུང་གོ་གུང་ཁྲན་ཏང་ཉིང་ཁྲི་ས་ཁུལ་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གི་ལས་དོན་སྙན་སྒྲོན་ལ་གྲོས་ཞིབ་བྱས་ཏེ་སྐབས་དང་པོའི་ཉིང་ཁྲི་གྲོང་ཨུད་ཀྱི་འགོ་ཁྲིད་ཚན་ཁག་གི་ཁོངས་མི་འདེམས་བསྐོ་བྱས་ནས་ཐོན་རྒྱུ་རེད།