འཚོལ་བཤེར།   
藏文频道
2015ལོའི་ཟླ་6ཚེས་13ཉིན།
  • མི་དམངས་དྲ་བ།

    ༄༅།།འདྲི་གཅོད་དང་པོ་ནས་ཀྲོའུ་ཡུང་ཁང་ལ་ཚེ་བཙོན་གྱི་ཁྲིམས་ཆད་བཅད་པ།

    གསར་འགྱུར་སྤེལ་དུས།  【2015ལོའི་ཟླ་ 06ཚེས་12ཉིན། 14:56】   (རྩོམ་སྒྲིག་འགན་འཁུར་པ། སྙིང་ལྕགས།)

     
    ༄༅།།འདྲི་གཅོད་དང་པོ་ནས་ཀྲོའུ་ཡུང་ཁང་ལ་ཚེ་བཙོན་གྱི་ཁྲིམས་ཆད་བཅད་པ།
         མི་དམངས་དྲ་བའི་འཕྲིན། 2015ལོའི་ཟླ་6ཚེས་11ཉིན་ཐེན་ཅིན་གྲོང་ཁྱེར་གྱི་འབྲིང་རིམ་མི་དམངས་ཁྲིམས་ཁང་དང་པོས་ཁྲིམས་ལྟར་ཀྲོའུ་ཡུང་ཁང་གིས་ལྐོག་རྔན་བླངས་པ་དང་། འགན་དབང་ཆ་གང་བྱུང་དུ་སྤྱད་པ། བསམ་བཞིན་དུ་རྒྱལ་ཁབ་ཀྱི་གསང་བ་ཕྱིར་བསྐྱལ་བ་བཅས་ཀྱི་གྱོད་དོན་ལ་འདྲི་གཅོད་དང་པོའི་དཔྱད་མཚམས་ཁྱབ་བསྒྲགས་བྱས་ཤིང་། ཀྲོའུ་ཡུང་ཁང་གིས་ལྐོག་རྔན་བླངས་པའི་ནག་ཉེས་བསགས་པས། ཚེ་བཙོན་གྱི་ཁྲིམས་ཆད་གཅོད་པ་དང་། ཚེ་གང་པོར་ཆབ་སྲིད་ཀྱི་དབང་ཆ་འཕྲོག་ལེན་བྱེད་པ་མ་ཟད། མི་སྒེར་གྱི་རྒྱུ་ནོར་གཞུང་བཞེས་གཏོང་བའི་ཉེས་ཆད་བཅད་པ་དང་། འགན་དབང་གང་བྱུང་དུ་སྤྱད་པའི་ནག་ཉེས་བསགས་པར་དུས་བཀག་བཙོན་འཇུག་ལོ་བདུན་གྱི་ཁྲིམས་ཆད་བཅད་པ། བསམ་བཞིན་དུ་རྒྱལ་ཁབ་ཀྱི་གསང་དོན་ཕྱིར་བསྐྱལ་བའི་ནག་ཉེས་བསགས་པར་དུས་བཀག་བཙོན་འཇུག་ལོ་བཞི་ཡི་ཁྲིམས་ཆད་བཅད་པས། ནག་ཉེས་གསུམ་གྱི་ཉེས་ཆད་སྡེབ་གཅོད་བྱས་ཏེ་ཚེ་བཙོན་གྱི་ཁྲིམས་ཆད་བཅད་པ་དང་། ཚེ་གང་པོར་ཆབ་སྲིད་ཀྱི་དབང་ཆ་འཕྲོག་ལེན་བྱས་པ་མ་ཟད། མི་སྒེར་གྱི་རྒྱུ་ནོར་གཞུང་བཞེས་བཏང་བའི་ཁྲིམས་ཆད་ལག་བསྟར་བྱེད་རྒྱུའི་ཁྲིམས་ཐག་བཅད་པ་རེད།
         ཀྲོའུ་ཡུང་ཁང་གིས་ཁྲིམས་ས་དེ་རང་དུ་ཁྲིམས་སས་དཔྱད་མཚམས་བཏང་བ་ཁས་ལེན་བྱས་ཤིང་གོང་གཏུག་མི་བྱེད་རྒྱུ་དང་། ཁྲིམས་འཛིན་བརྟག་དཔྱད་བྱེད་འགོ་བརྩམས་པ་ནས་བཟུང་གྱོད་དོན་ཞིབ་གཅོད་ལས་ཁུངས་ཀྱིས་ཁྲིམས་ལྟར་གྱོད་གཞི་སྒྲུབ་པ་དང་། ཚུལ་བཞིན་ཁྲིམས་རྩ་ལག་བསྟར་བྱེད་པ། དོན་དངོས་སྟོན་པ་དང་རྒྱུ་མཚན་བཤད་པ་སོགས་ལས་རང་རྒྱལ་གྱི་ཁྲིམས་འཛིན་ཡར་རྒྱས་ཕྱིན་པ་གསལ་པོར་མཚོན་པས། ཁོ་བོར་རང་ཉིད་ཀྱིས་ཁྲིམས་འགལ་ནག་ཉེས་བསགས་པའི་དོན་དངོས་དེ་དག་གིས་ཏང་གི་བྱ་གཞག་ལ་གྱོང་གུན་བཟོས་པ་དང་། སྤྱི་ཚོགས་ལ་གནོད་སྐྱོན་ཚབས་ཆེན་བཟོས་པར་ངོས་ཟིན་དུ་བཅུག་པས། ནག་ཉེས་ངོས་ལེན་དང་རང་ཉེས་འགྱོད་བཤགས་ཡང་བསྐྱར་ཐེངས་ཤིག་བྱེད་ཀྱི་ཡིན་ཞེས་བསྟན་པ་རེད།
      

    ཕྱོགས་བསྡུས་གསར་འགྱུར།