༄༅།།འདི་ལོའི་ཟླ་དང་པོ་ནས་བཞི་པའི་བར་བོད་ལྗོངས་ཀྱིས་ཡུལ་སྐོར་བ་སྣེ་ལེན་བྱེད་ཚད་
དུས་མཚུངས་ལས་22.2%འཕར་བ། 

     མི་དམངས་དྲ་བའི་འཕྲིན། ཉེ་དུས་གནམ་གཤིས་དྲོ་རུ་ཕྱིན་པ་དང་སྦྲགས་གངས་ལྗོངས་ས་མཐོ་རིམ་བཞིན་སྔོ་ལྗང་དུ་འགྱུར་བ་དང་བོད་དུ་ཡུལ་སྐོར་ལ་ཡོང་མཁན་ཡུལ་སྐོར་བ་ཇེ་མ་དུ་སོང་ནས་བོད་ཀྱི་ཡུལ་སྐོར་ཁྲོམ་རའང་ཡུལ་སྐོར་བྱེད་མང་བའི་དུས་ཚིགས་སུ་སླེབས་ཡོད། འདི་ལོའི་ཟླ་དང་པོ་ནས་བཞི་པའི་བར་རྒྱལ་ཁབ་ཕྱི་ནང་གི་ཡུལ་སྐོར་བ་མི་ཐེངས་ཁྲི་101.44ལ་སྣེ་ལེན་ཞུས་པ་དེ་དུས་མཚུངས་ལས་22.2%འཕར་ནས་ཡུལ་སྐོར་ཡོང་འབབ་སྒོར་དུང་ཕྱུར་12ལྷག་ཙམ་ཟིན་ཞིང་། འདི་ནི་ཟླ་6ཚེས་8ཉིན་ཡུལ་སྐོར་བས་གཙུག་ལག་ཁང་ཐང་ཆེན་དུ་དྲན་རྟེན་པར་རྒྱག་པའི་གནས་ཚུལ་ཡིན་པ།