༄༅།།བོད་ལྗོངས་སློབ་ཆེན་དུ་མཆོག་གྱུར་བོད་ལྗོངས་ཞེས་པའི་ཡིག་གཟུགས་འགྲན་བསྡུར་བྱས་པ།

     ཟླ་5ཚེས་30ཉིན་བོད་རང་སྐྱོང་ལྗོངས་རིག་གནས་ཐིང་དང་། བོད་ལྗོངས་སློབ་ཆེན། བོད་ལྗོངས་མི་དམངས་ཀུན་ཁྱབ་རླུང་འཕྲིན་ལས་ཁུངས་བཅས་ཀྱིས་མཉམ་འབྲེལ་ཐོག་གཉེར་བའི་མཆོག་གྱུར་བོད་ལྗོངས་ཞེས་པའི་ཡིག་གཟུགས་འགྲན་བསྡུར་གྱི་རྟིང་རྩོད་འགྲན་བསྡུར་དེ་བོད་ལྗོངས་སློབ་ཆེན་དུ་བྱས། རྟིང་རྩོད་འགྲན་བསྡུར་ནང་ཞུགས་པའི་འགྲན་ཞུགས་པ་21གིས་འབྲུ་ཚ་དང་། ཚུགས་ཡིག དབུ་ཅན། འཁྱུགས་ཡིག་བཅས་ཡིག་གཟུགས་བཞི་ཡི་ནང་ཡིག་གཟུགས་ཀྱི་རྩལ་ནུས་མངོན་ཡོད་པ་རེད།