༄༅།།བྱིས་པའི་འཛུམ་མདངས།
གསར་འགྱུར་སྤེལ་དུས། 【2015ལོའི་ཟླ་ 05ཚེས་06ཉིན། 09:45】 (རྩོམ་སྒྲིག་འགན་འཁུར་པ། སྙིང་ལྕགས།)
མི་དང་མིའི་བར་དུ་བསྟན་པའི་འཛུམ་མདངས་ནི་རྣམ་འགྱུར་སྟོན་སྟངས་ཤིག་ཡིན་ལ། དེས་སྤྲོ་སྣང་དང་། དགའ་སྤྲོ། བདེ་སྐྱིད། ཡང་ན་སྤྲོ་བ་བཅས་མཚོན་ནུས་མོད། འོན་ཏང་སྐབས་ལ་ལར་དེ་ནི་རང་གི་འདུན་པ་དང་འགལ་བའི་སེམས་ཁྲལ་ཆེ་བའི་རྣམ་འགྱུར་མཚོན་བྱེད་ཅིག་ཀྱང་ཡིན། འཛུམ་མདངས་ལ་རིག་གནས་དང་། རིགས་རྒྱུད། ཆོས་ལུགས་བཅས་ཀྱི་དབྱེ་བ་མེད་ལ། དེ་ནི་མི་སུ་ཞིག་གིས་ཀྱང་གོ་བ་ལེན་ཐུབ་པ་མ་ཟད། རྒྱལ་སྤྱིའི་ཐོག་ཀུན་ཏུའང་ཁྱབ་པ་ཞིག་ཡིན་ནོ།།