༄༅།།བློ་མཐུན་ཁྲེན་ཤིས་ལེན་སྐུ་འཁྲུངས་ནས་ལོ་ངོ་100འཁོར་བར་དྲན་གསོ་ཞུ་བའི་
བཞུགས་མོལ་ཚོགས་འདུ་པེ་ཅིང་དུ་འཚོགས་པ།
གསར་འགྱུར་སྤེལ་དུས། 【2015ལོའི་ཟླ་ 01ཚེས་06ཉིན། 09:29】 (རྩོམ་སྒྲིག་འགན་འཁུར་པ། ལྷ་ལུང་།)
མི་དམངས་དྲ་བའི་འཕྲིན། ཟླ་1ཚེས་5ཉིན། བློ་མཐུན་ཁྲེན་ཤིས་ལེན་སྐུ་འཁྲུངས་ནས་ལོ་ངོ་100འཁོར་བར་དྲན་གསོ་ཞུ་བའི་བཞུགས་མོལ་ཚོགས་འདུ་པེ་ཅིང་དུ་འཚོགས། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ལས་ཨུ་ཡོན་ནམ་རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་ཀྲང་ཀའོ་ལི་བཞུགས་མོལ་ཚོགས་འདུར་ཞུགས་པ་མ་ཟད། བཞུགས་མོལ་ཚོགས་འདུ་མ་འཚོགས་གོང་ཀྲང་ཀའོ་ལི་ཡིས་ཁྲེན་ཤིས་ལེན་གྱི་ནང་མིར་མཇལ་འཕྲད་གནང་བ་རེད།