༄༅།།ཡུན་ནན་བདེ་ཆེན་གྱིས་ལམ་ལུགས་འཐུས་ཚང་དུ་བཏང་སྟེ་ཞིང་པ་ལས་མིའི་གླ་ཆ་
འགན་ལེན་བྱས་པ།

     མི་དམངས་དྲ་བའི་འཕྲིན། ཉེ་ཆར་བདེ་ཆེན་ཀྲོའུ་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུས་ནས་ཤེས་རྟོགས་བྱུང་བ་ལྟར་ན། བདེ་ཆེན་ཁུལ་གྱིས་ཞིང་པ་ལས་མིའི་གླ་ཆ་འགན་ལེན་མ་དངུལ་སྤྲོད་པའི་བྱ་ཐབས་ལག་ལེན་བསྟར་ཚུན་རྒྱ་ཆེའི་ཞིང་པ་ལས་མིའི་ཁྲིམས་མཐུན་ཁེ་དབང་སྲུང་སྐྱོབ་ཏན་ཏིག་ཐུབ་ནས་ཞིང་པ་ལས་མིའི་གླ་ཆ་འགྱངས་ཆད་ཀྱི་གྱོད་གཞི་ཐོན་རྒྱུ་བཀག་འགོག་ནུས་ལྡན་ཐུབ་ཡོད། མིག་སྔར་བདེ་ཆེན་ཀྲོའུ་ཡི་ཞིང་པ་ལས་མིའི་གླ་ཆ་འགན་ལེན་མ་དངུལ་འཇལ་རྒྱུ་དེ་བཟོ་སྐྲུན་དང་། འགྲིམ་འགྲུལ། འཕྲིན་གཏོང་། ཆུ་གློག་སོགས་ཁྱབ་ཁོངས་སུ་ཁྱབ་ཡོད་པ་རེད།
     བསྡོམས་རྩིས་བྱས་པར་གཞིགས་ན། འདི་ལོའི་དུས་ཚིགས་དང་པོ་ནས་གསུམ་པའི་བར་ཀྲོའུ་དེ་ཡོངས་སུ་ཞིང་པ་ལས་མིའི་གླ་ཆ་འགན་ལེན་མ་དངུལ་འཇལ་ཚད་སྒོར་ཁྲི་༣༩༩༦.༦༨༣༣ཟིན་པ་དེའི་ནང་ཀྲོའུ་རིམ་པའི་སྒོར་ཁྲི་༡༨༩༡.༨༨དང་། སེམས་ཀྱི་ཉི་ཟླ་རྫོང་གི་སྒོར་ཁྲི་༧༥༨.༩༤༦༣ འབའ་ལུང་རྫོང་གི་སྒོར་ཁྲི་༧༢༠ བདེ་ཆེན་རྫོང་གི་སྒོར་ཁྲི་༢༩༦.༠༥༧ གསར་སྤེལ་ཁུལ་གྱི་སྒོར་ཁྲི་༣༢༩.༨བཅས་ཚུད་ཡོད་པ་རེད།