༄༅།།བོད་ལྗོངས་ཀྱིས་ཁམ་བུའི་མེ་ཏོག་ལ་བརྟེན་ནས་ཁྱད་ལྡན་ཐོན་ལས་ལ་སྐུལ་འདེད་བཏང་བ།

     མི་དམངས་དྲ་བའི་འཕྲིན། ཟླ་3ཚེས་29ཉིན། བོད་ལྗོངས་ཉིང་ཁྲི་གྲོང་ཁྱེར་བྲག་ཡིབ་ཆུས་ཀ་ལ་གྲོང་ཚོ་རུ་སྐབས་16པའི་ཉིང་ཁྲིའི་ཁམ་བུའི་མེ་ཏོག་རིག་གནས་ཡུལ་སྐོར་དུས་ཆེན་འགོ་ཚུགས་ཤིང་། དེ་དང་བསྟུན་ནས་ས་གནས་དེ་གའི་མཚོན་རྟགས་བསྐྲུན་ཏེ། ཉིང་ཁྲིའི་ཇ་དང་སྦི་རག་སོགས་ཁྱད་ཆོས་ལྡན་པའི་ཐོན་ལས་འཕེལ་རྒྱས་སུ་བཏང་ཡོད། ད་ཐེངས་ཀྱི་ཁམ་བུའི་མེ་ཏོག་དུས་ཆེན་གྱི་དུས་ཡུན་ཟླ་བ་གཅིག་ཡིན་པ་དང་སྨན་གླིང་རྫོང་གི་ཟུར་གསུམ་གྲོང་ཚོ་དང་སྤོ་བོ་རྫོང་གི་ཁམ་བུའི་མེ་ཏོག་གླིང་། ཀོང་པོ་རྒྱ་མདའ་རྫོང་གི་བྲག་གསུམ་མཚོ་བཅས་ལ་ཡན་ལག་ཚོགས་ར་བཙུགས་ནས་ཡུལ་སྐོར་བས་ཁམ་བུའི་མེ་ཏོག་གི་མཛེས་ལྗོངས་ལ་ལྟ་བའི་དུས་མཚུངས་ད་དུང་བྱེད་སྒོ་སྣ་ཚོགས་ལ་ཞུགས་ཆོག་གི་ཡོད་པ་རེད། 【1】  【2】