༄༅།།2018ལོའི་རྒྱལ་ཡོངས་ཚོགས་ཆེན་གཉིས་ཀྱི་སྨྱན་སྦྱོར་གསར་འགོད་པ་ཚོས་གྲལ་བསྒྲིགས་ནས་
གསར་འགོད་པའི་ལག་ཁྱེར་ལེན་པ།

     མི་དམངས་དྲ་བའི་འཕྲིན། 2018ལོའི་ཟླ་3ཚེས་1ཉིན། 2018ལོའི་རྒྱལ་ཡོངས་ཀྱི་ཚོགས་ཆེན་གཉིས་འཚོག་གྲབས་ཡོད་པས། མི་དམངས་ཚོགས་ཁང་ཆེ་མོར་གསར་འགོད་པ་ཚོས་གྲལ་བསྒྲིགས་ནས་གསར་འགོད་པའི་ལག་ཁྱེར་ལེན་བཞིན་ཡོད་པ་རེད། ཤེས་རྟོགས་བྱུང་བར་གཞིགས་ན། རྒྱལ་ཡོངས་མི་དམངས་འཐུས་ཚོགས་སྐབས་བཅུ་གསུམ་པའི་གྲོས་ཚོགས་ཐེངས་དང་པོ་དང་རྒྱལ་ཡོངས་སྲིད་གྲོས་སྐབས་བཅུ་གསུམ་པའི་གྲོས་ཚོགས་ཐེངས་དང་པོ་སོ་སོར་ཟླ་3ཚེས་5ཉིན་དང་ཟླ་3ཚེས་3ཉིན་པེ་ཅིང་དུ་འཚོག་འགོ་རྩོམ་རྒྱུ་ཡིན་ཞིང་། མིག་སྔར་རྒྱལ་ཁབ་ཕྱི་ནང་གི་གསར་འགོད་པ་3000ལྷག་ཙམ་གྱིས་རྒྱལ་ཡོངས་ཚོགས་ཆེན་གཉིས་ལ་བཅར་འདྲི་ཞུ་རྒྱུར་མིང་ཐོ་བཀོད་ཡོད་ལ། དེའི་ནང་རྒྱལ་ནང་གི་གསར་འགོད་པ་མི་གྲངས་2000ཡས་མས་ཡོད་པ་དང་། ཞང་ཀང་དང་ཨའོ་མོན། ཐའེ་ཝན་གསུམ་གྱི་གསར་འགོད་པ་དང་ཕྱི་རྒྱལ་གྱི་གསར་འགོད་པའི་མི་གྲངས་1000ལྷག་ཡོད་པ་རེད།