༄༅།།ཐའེ་ཝན་ཧྭ་ལེན་དུ་ས་ཡོམ་རིམ་པ་6.5བརྒྱབ་ནས་རྐྱེན་ལམ་དུ་ཤོར་བའི་མི་གྲངས་9རུ་
འཕར་ཡོད་ཅིང་དེའི་ཁྲོད་དུ་སྐམ་སའི་ཡུལ་སྐོར་བ་3ཡོད་པ། 

     མི་དམངས་དྲ་བའི་འཕྲིན། ཟླ་2ཚེས་8ཉིན་གྱི་ཞོགས་པའི་ཆུ་ཚོད་6དང་སྐར་མ་25ཡི་བར་དུ། ཐའེ་ཝན་ཧྭ་ལེན་རྫོང་དུ་ས་ཡོམ་རིམ་པ་6.5བརྒྱབ་སྟེ་རྐྱེན་ལམ་དུ་ཤོར་བའི་མི་གྲངས་9རུ་འཕར་ཡོད་པ་རེད།
     སྐམ་སའི་རང་མོས་ཡུལ་སྐོར་བ་རང་ལོ་45རུ་སོན་པའི་བུད་མེད་རུས་མིང་ལ་ཞུའེ་ཟེར་བ་ཞིག་ཧྭ་ལེན་ཡུན་མེན་ཚུའེ་ཐི་ཐོག་ཁང་གི་དམངས་སྡོད་ཁང་དུ་སྡོད་སྐབས་ཡོམ་འཕྲོའི་ཁྲོད་དུ་རྨས་སྐྱོན་ཚབས་ཆེན་བྱུང་ཞིང་། ཚེས་7ཉིན་གྱི་ཆུ་ཚོད་9:00པར་སྨན་ཁང་གིས་བཅོས་ཐབས་མེད་ལུགས་བསྒྲགས་པ་རེད། དེ་རིང་ཞོགས་པར། ཡུན་མེན་ཚུའེ་ཐི་ཐོག་ཁང་དུ་འཚོལ་ཞིབ་རོགས་སྐྱོབ་བྱེད་ཡུལ་དངོས་ནས། སླར་ཡང་བུད་མེད་རུས་མིང་ཝུའུ་ཟེར་བ་ཞིག་གི་བེམ་པོ་རྙེད་པས། ད་ལྟ་བར་དུ་སྐམ་སའི་བུད་མེད་གསུམ་རྐྱེན་ལམ་དུ་ཤོར་བ་གཏན་འཁེལ་བ་རེད། བུད་མེད་གསུམ་པོ་མགྲོན་ཁང་སྒོ་རྟགས་502ནང་བསྡད་ཡོད་པ་རེད།
     ད་ལྟར། ས་ཡོམ་བརྒྱབ་ནས་མི་9གྲོངས་པ་དང་། མི་གྲངས་265རྨས་སྐྱོན་བྱུང་ཞིང་། མི་གྲངས་56འབྲེལ་གཏུག་ཐུབ་ཀྱི་མེད་པ་རེད།