༄༅།།རྒྱལ་ཡོངས་ཛ་དྲག་གི་གནས་བབ་ཆགས་པའི་མར་ཏི་ཝེ།

     མི་དམངས་དྲ་བའི་འཕྲིན། ཟླ་2ཚེས་1ཉིན། མར་ཏི་ཝེ་ཡི་ཆེས་མཐོའི་ཁྲིམས་ཁང་གིས་ཁྲུན་ཐག་བཅད་པའི་བཀའ་རྒྱ་ཁྱབ་བསྒྲགས་བྱས་པ་དང་། མར་ཏི་ཝེ་ཡི་ཙུང་ཐུང་ཡཱ་མིང་དང་དེ་བཞིན་དུ་སྲིད་གཞུང་ལ་ཙུང་ཐུང་ཟུར་པ་ནའེ་ཞི་ཏེ་སོགས་ངོ་རྒོལ་ཤོག་ཁག་གི་འགོ་ཁྲིད་པ་9ཉེས་མེད་གློད་འགྲོལ་དགོས་པའི་བླང་བྱ་བཏོན་པ་རེད། དེའི་རྗེས་སུ། ངོ་རྒོལ་ཤོག་ཁག་གི་རྒྱབ་སྐྱོར་བྱེད་མཁན་གྱིས་ཁྲོམ་སྐོར་བྱས་ཏེ་རྟེན་འབྲེལ་ཞུས་པ་མ་ཟད། ཉེན་རྟོག་པ་དང་གདོང་ཐུག་ཤོར་བ་རེད། ཚེས་5ཉིན། ཡཱ་མིང་གིས་མར་ཏི་ཝེ་རྒྱལ་ཡོངས་སུ་ཉིན་15རིང་ལ་ཛ་དྲག་ཆེ་བའི་གནས་བབ་ཆགས་ཚུལ་ཁྱབ་བསྒྲགས་བྱས་པ་རེད།